Mədəniyyət
Böyük Qafqazın əlilliyi olan aktyorlardan ibarət ilk teatrı - ƏSA bir yaşında
Azərbaycan teatrının “əsası”, ölkənin, eləcə də Böyük Qafqazın əlilliyi olan aktyorlardan ibarət ilk teatrı olan ƏSA-nın bu gün bir yaşı tamam oldu. ƏSA Teatrının baş meneceri Nicat Qulamın “Olaylar” - a verdiyi məlumata görə, teatr 3 sentyabr 2016-cı ildə aktyor-rejissor Nihad Qulamzadə tərəfindən yaradılıb. Yarandığı ilk günlər teatrın heyəti Orxan Adıgözəl, Nicat Qulam, Murad Məmmədov, Elvin Mirzeyev və Nihad Qulamzadədən ibarət olub. Beş nəfərlik heyətlə fəaliyyətə başlayan teatr qısa zamanda bir çox uğurlara imza atıb və irəliləyən zamanda heyətini çoxaldaraq, təkminləşdirib.
"Bakı Foto 2017" foto müsabiqəsinin qalibləri mükafatlandırılacaq
Sentyabrın 17 -də "İçərişəhər" Dövlət Tarix-Memarlıq Qoruğunda "Bakı Foto 2017" foto müsabiqəsinin iştirakçılarının mükafatlandırılma mərasimi olacaq. "Olaylar" bildirir ki, tədbirdə həmçinin müsabiqə iştirakçılarının əsərlərindən ibarət sərgi də keçiriləcək. Sərgidə beş nominasiya üzrə qalib gəlmiş fotoqrafların əsərləri təqdim ediləcək: "İçərişəhər: Dünən, Bu Gün", "Portret", "Təbiət", "Tədbirlər" və "Bədii Fotoşəkil".
"Səs" Beynəlxalq Film Festivalında
İran və Azərbaycanın müştərək istehsalı olan “Səs” qısametrajlı bədii filmi Kazan şəhərində keçirilən Beynəlxalq Kino Festivalında iştirak edəcək. "Olaylar" bildirir ki, filmin rejissoru Dariuş Nəcəfi Göl (Ərturan Nəcəfi), Azərbaycan tərəfdən prodüseri Fariz Əhmədovdur. Fariz Əhmədovun sözlərinə görə, film festivalın qısametrajlı bədii filmlər bölməsində yarışacaq. Bu bölmənin münsiflər heyətinə Əlirza Şahruhi (İran), Yelena Alekseyeva (Rusiya) və Orxan Milli (Türkiyə) daxildir. Festival “mədəniyyətlərin dialoqundan dialoq mədəniyyətinə” devizi altında keçirilir. Bu ilki festival 61 ölkədən 782 film göndərilib. Bu filmlər içərisindən “Səs” filmi də seçilərək şort-listə düşüb.
Film Fondunda müşavirə
Dövlət Film Fondunda mədəniyyət və turizm nazirinin müavini Ədalət Vəliyevin iştirakı ilə ölkəmizdə kino işinin təşkili və inkişaf etdirilməsinə həsr olunmuş müşavirə keçirilib. Kino işinin yaxşılaşdırılması ilə bağlı məsələlərin müzakirə olunduğu müşavirədə “Azərbaycanfilm” kinostudiyası, Dövlət Film Fondu, “Yaddaş” və “Salnamə” studiyalarının kollektivi və Azərbaycan Respublikası Kinematoqrafçılar İttifaqının nümayəndələri iştirak edib. Nazirliyindən "Olaylar" -a bildirilib ki, müşavirədə çıxış edən Ədalət Vəliyev ölkəmizdə kino sənayesinin inkişafı istiqamətində son 10 ildə görülən işlər, qazanılan nailiyyətlər haqqında məlumat verib. Bildirib ki, ümummilli lider Heydər Əliyevin mədəniyyət və incəsənət xadimlərinə, kino sahəsində çalışanlara göstərdiyi diqqət və qayğı hazırda Prezident İlham Əliyev tərəfindən uğurla davam etdirilir.
Azərbaycan xalçaları AMERİKADA
Sentyabrın 7-də Vaşinqtonda Yaxın Şərq İnstitutunda Azərbaycan xalçalarının sərgisi keçiriləcək. "Olaylar" bildirir ki, Azərbaycanın ABŞ-dakı səfirliyinin dəstəyi ilə baş tutacaq sərgidə qonaqlar Azərbaycanın müxtəlif bölgələrinin xalçaçılıq sənətinin ənənələri ilə tanış olacaqlar.
“İslam Həmrəyliyi – Azərbaycan nümunəsi” mövzusu istiqamətində MÜSABİQƏ
Azərbaycan Fotoqraflar Birliyi 2017-ci ilin Azərbaycanda “İslam Həmrəyliyi İli” elan olunması ilə əlaqədar olaraq, yazı və poster /foto müsabiqəsi elan edir. “Olaylar” bildirir ki, respublika səviyyəsində müsabiqəni təşkil etməkdə əsas məqsəd İslam həmrəyliyinə mədəni və dini müxtəlifliyin harmoniyası prizmasından yanaşaraq, məsələnin aktuallığını daha da artırmaq və bəşəri dəyərlərin bir daha üzə çıxarılmasına dəstək olmaqdır. Müsabiqədə iştirak etmək istəyənlər aşağıda göstərilmiş mövzulara və tələblərə uyğun olaraq yazı və poster/foto vəsaitlərini hazırlamalıdırlar: “Azərbaycan Həmrəylik nümunəsi kimi ”, “İslam elm tarixində Azərbaycan məktəbi”, “Yeni dünya çağırışları: Avropa və İslam”, “İslam mədəniyyəti və sivilizasiyalararası münasibətlər”, “Yeni dünya çağırışları: Azərbaycan və İslam”, “İslam və demokratiya: Tarix və Müasirlik”, “İslam həmrəyliyi: Dini və Mədəni müxtəlifliyin harmoniyası”, “İslam həmrəyliyi: Müasir çağırışlar və Dini maarifləndirmə”, “Heydər Əliyev irsi və İslam həmrəyliyi “, “İslam sivilizasiyası: müasir dini baxışlar və yeni dünya”, “İslam mədəniyyətində qadın”, “İslam və iqtisadi inkişaf” və “İslam Mədəniyyəti: Problemlər və Perspektivlər”.
Yuğ Dövlət Teatrının direktoru Beynəlxalq Teatr Festivalında
Yuğ Dövlət Teatrının direktoru Tərlan Rəsulov İranda keçirilən VI Beynəlxalq Ənənə və Ritual Teatrı adlı Festivalda iştirak etmək üçün hazırda Tehrandadır.Teatrdan “Olaylar” – a bildirilib ki, Beynəlxalq Teatr Festivalı çərçivəsində keçirilən eyniadlı Seminarda T.Rəsulov “Ritual tamaşasında spontan ifaçılıq texnikası” adlı məruzə ilə çıxış edib. Festival sentyabrın 6 – dək davam edəcək.
Elzadan onu tənqid edənlərə cavab: "Tikim sizin ağzınızı"
"Xalqın şairi" verilişinin münsif kürsüsündə əməkdar artist Elza Seyidcahanın yer alması birmənalı qarşılanmayıb. İzləyicilərdən bəziləri tez-tez şeirləri ilə gündəmə gələn sənətçinin münsif olması ilə razılaşmayıb. E.Seyidcahan onun münsif olması ilə barışmayan izləyicilərinə isə şeir həsr etməklə cavab verib.
.jpg)
Opera və operettalardan ibarət konsert
Sentyabrın 25-də Heydər Əliyev Sarayında Azərbaycan opera və operettalarından ibarət "Əbədi Musiqi" adlı konsert tamaşa keçiriləcək. “Olaylar” bildirir ki, gecədə Azərbaycan klassik opera və operettalarından ən gözəl parçalar, solo nömrələr və duetlər ifa olunacaq.
Əri Brilliantın xəstəxanaya yerləşdirilməsi haqda: "Həkim nəzarətindədir"
Səhhətində yaranan problemlərə görə bir neçə gün öncə Türkiyədəki özəl klinikaların birinə yerləşdirilən xalq artisti Brilliant Dadaşova evə buraxılıb. Bu barədə müğənninin həyat yoldaşı, Səməd Vurğun adına Rus Dram Teatrının direktoru Ədalət Hacıyev deyib.
Sahib Paşazadə Səmərqənddə “Şərq təranələri” Beynəlxalq Festivalının “Qran pri”sinə layiq görülüb
Səmərqənd şəhərinin Reqistan meydanında “Şərq təranələri” ХI Beynəlxalq Musiqi Festivalının təntənəli bağlanış mərasimi keçirilib. Festivalda dünyanın 60-dək ölkəsindən 280 ifaçı və musiqi nəzəriyyəçisi iştirak edib.
Nazpəri və Ədalət Qurban bayramı ərəfəsində “Retro Bakı”- da
Sentyabrın 1 – 2 – də Mədəniyyət və Turizm Baş İdarəsinin layihəsi əsasında Mədəni tədbirlərin təşkili və yaradıcı gənclərlə iş üzrə Mərkəzin təşkilatçılığı ilə keçirilən “Retro Bakı” layihəsinin növbəti konsertləri Fəvvarələr Meydanında baş tutacaq. “Olaylar” bildirir ki, Qurban bayramı ərəfəsində “Retro Bakı”da tanınmış müğənnilər xalq artisti Nazpəri Dostəliyeva və əməkdar artist Ədalət Şükürov zəngin konsert proqramı ilə çıxış edəcəklər.
"Zəngəzurun qala qapısı Qubadlı"
Xalça Muzeyi tərəfindən təşkil olunmuş Qubadlı rayonunun işğalının 24-cü ildönümünə həsr olunmuş “Zəngəzurun qala qapısı Qubadlı” adlı tədbir keçirilib. “Olaylar” bildirir ki, tədbirdə Qubadlı və Laçın Tarix-Diyarşünaslıq Muzeylərinin eksponatlarından ibarət sərgi təşkil olunub. Sərgidə xovlu və xovsuz xalçalar, xalça məmulatları, bədii tikmə, toxuculuq alətləri, mis qablar və digər məişət əşyaları nümayış olunub.
Brilliant Dadaşova xəstəxanaya yerləşdirildi
Xalq artisti Brilliant Dadaşova iki gün öncə təcili olaraq Türkiyədə xəstəxanalardan birinə yerləşdirilib. Sənətçi hazırda xəstəxanada həkim nəzarəti altındadır. Şahidlərin sözlərinə görə, B.Dadaşovanın yanında bacısı İradə olub.