Mədəniyyət
“Qarabağ kolleksiyası” Britaniyanın “Vogue” jurnalında
Berlində yaşayan Leoni Mergen moda üzrə ən öndə gedən alman dizaynerlərindən biridir. Berlində Beynəlxalq İncəsənət Universitetində təhsil almış və “Patrik Helman” kimi elitar moda evlərində təcrübə keçmiş dizaynerin sənəti zəngin, ənənəvi və avanqard üslubların qarışığından ilhamlanır və bütövlükdə Avropa zərifliyi ilə ifa edilir. “Olaylar” bildirir ki, bu ilin əvvəllində almaniyalı dizaynerin 2017 - Payız/Qış kolleksiyasının təqdimatı keçirilib. Modelyerin Berlində “Mercedes-Benz”, daha sonra isə Londonda keçirilən moda həftələrində təqdim olunan kolleksiyası modelyerlər, moda üzrə ixtisaslaşan jurnalistlər və xarici qonaqlar tərəfindən böyük maraqla qarşılanıb. “Qarabağ Kolleksiyası” (Karabakh Collection) adlanan bu layihə öz əsasını Azərbaycanın Qarabağ bölgəsindən götürür.
“Multikulturalizm” jurnalının 2017-ci il üçün ikinci sayı işıq üzü görüb
Bakı Beynəlxalq Multikulturalizm Mərkəzi, Milli Elmlər Akademiyası və Yaradıcılıq Fondunun birgə nəşri olan “Multikulturalizm” jurnalının 2017-ci il üçün ikinci sayı işıq üzü görüb. “Olaylar” bildirir ki, jurnal Prezident İlham Əliyevin Ramazan bayramı münasibətilə Azərbaycan xalqına təbriki ilə açılır. Sonra dövlət başçısının IV Ümumdünya Mədəniyyətlərarası Dialoq Forumunun açılış mərasimindəki nitqi, Birinci vitse-prezident Mehriban Əliyevanın nitqi və forum iştirakçılarının çıxışlarından parçalar çap edilib. “Azərbaycançılıq” bölməsində may ayının 10-da Almaniyanın Auqsburq şəhərində “Azərbaycanın Gənc Dostları Klubu”nun təşəbbüsü, Bakı Beynəlxalq Multikulturalizm Mərkəzi və Auqsburq universitetinin birgə təşkilatçılığı ilə Azərbaycan multikulturalizminin siyasi banisi, ulu öndər Heydər Əliyevin doğum gününə həsr olunan “Heydər Əliyev-gənclik-multikulturalizm” mövzusunda keçirilən ikigünlük beynəlxalq nəzəri-praktik konfransın gündəliyi verilib.
Məşhurların pis vərdişləri: "Gündə 80 dəfə əllərimi yuyuram"
"ATV maqazin onlarla" verilişi məşhurlar arasında sorğu apararaq onların pis vərdişlərini soruşub.
Azərbaycan nümayəndə heyəti Özbəkistanda mədəniyyət festivalında iştirak edəcək
2017-ci ilin 8 sentyabr tarixində Daşkənd şəhərində “Uzbegim” ənənəvi mədəniyyət festivalı keçiriləcək. “OLAYLAR”-ın Mədəniyyət və Turizm Nazirliyinə istinadən verdiyi xəbərə görə, tədbirə YUNESKO-nun İcraiyyə Şurasının Baş direktoru, BMT-nin Ümumdünya Turizm Təşkilatının Baş katibi, Ginnes rekordlar kitabının Baş redaktoru və digər yüksək səviyyəli nümayəndələr dəvət olunub. “Uzbegim” ənənəvi mədəniyyət festivalında iştirak etmək məqsədilə 7-11 sentyabr 2017-ci il tarixində Azərbaycan Respublikasının mədəniyyət və turizm nazirinin birinci müavini Vaqif Əliyev və Azərbaycan Milli Kitabxanasının direktoru Kərim Tahirov Özbəkistan Respublikasına səfər edəcəklər.
200 nəfəri işdən qovduğu deyilən filarmoniya rəhbəri məsələyə AYDINLIQ GƏTİRDİ
Gəncə Dövlət Filarmoniyasına yeni rəhbəri, opera ifaçısı Samir Cəfərov 200 nəfəri işdən qovmasına aydınlıq gətirib. Opera müğənnisi yeni vəzifəyə rəhbər təyin olunandan sonra filarmoniyada bir sıra işlər gördüyünü bildirib: "Lazm olmayan və heç bir sənədlə əlaqəsi olmayan insanları kənarlaşdırmışam.
Xonçalar, 20 minlik qızıl, üç ev... – Toya hazırlaşan Cəmilə Tağızadə ilə MÜSAHİBƏ
Ötən həftə toy etməsi xəbəri ilə Azərbaycan mediasının gündəmini zəbt edən aktrisa Cəmilə Tağızadə müsahibimizdir. Toy təlaşından, gələcək həyat yoldaşından ağız dolusu danışan aktrisa sualları belə cavablandırdı:
“Retro Bakı”da möhtəşəm bayram konserti
Mədəniyyət və Turizm Baş İdarəsinin "Retro Bakı" layihəsi Qurban bayramı ərəfəsində zəngin konsert proqramı ilə Bakı sakinlərinin və qonaqlarının görüşünə gəlib.“Olaylar” bildirir ki, mədəni tədbirlərin təşkili və yaradıcı gənclərlə iş üzrə mərkəzin təşkilatçılığı ilə Fəvvarələr Meydanında keçirilən konsertlərdə bu həftə tanınmış müğənnilər xalq artisti Nazpəri Dostəliyeva, əməkdar artist Ədalət Şükürov, əməkdar artist Elza Seyidcahan, Rasimə Seyidcahan, Təranə Mahmudova, Orxan Babazadə, Qurd (Fərid Eminov), Çinarə Bəkirova, Həmidə Hüseyn, Mətin Rzazadə, Aygün Məmmədli, Əhməd Mustafayev, Könül Şıxəliyeva, Emil Əliyev, Nofəl Aslanov, Əlisahib Cəlilov, Əhməd Mustafayev, Ruslan Zülfiqarov, “Aysel” və “Məryəm” rəqs ansamblları çıxışları ilə hər kəsə əsl bayram əhval-ruhiyəsi bəxş ediblər.
Xatirə özündən çıxdı, izləyicisini təhqir etdi: "Nə sırtıq adamsan! Səni doğan ana..."
Sosial şəbəkələrdə qalmaqalları ilə gündəmdə olan müğənnilərdən biri də Xatirə İslamdır. İfaçı və izləyicilər arasında yenə mübahisə yaşanıb. Belə ki, xanım izləyicilərdən biri Xatirənin ünvanına xoşəgəlməz rəy yazıb. Müğənni buna əsəbləşib və yazılan rəyləri silib. İzləyici isə fikirlərini yazmaqda davam edib. Bunu görən Xatirə özündən çıxıb və həmin xanıma sərt sözlərlər cavab verib.
AFB korporativ telefon əlaqəsi
Azərbaycan Fotoqraflar Birliyi ilə Bakcell şirkətinin razılaşması əsasında korporativ xidmətə qoşulmaq istəyənlərə üçün yeni xidmət təklif edilir. “Olaylar” bildirir ki, AFB korporativ xidmətdən yararlanmaq istəyənlər sizə tarif qiymətləri təqdim olunur. Xidmətə qoşulmaq üçün öz Bakcell telefon nömrənizi və şəxsiyyət vəsiqəsinin surə[email protected] ünvanına göndərməyiniz xahiş olunur.
“Kontrabas” V Beynəlxalq Teatr Festivalında iştirak edəcək
Rusiyanın Nijnevartovsk şəhərində “Şimal görüşləri” V Beynəlxalq Teatr Festivalı keçiriləcək. Festivalda ölkəmizi Gənc Tamaşaçılar Teatrı təmsil edəcək. Teatrdan “Olaylar” – a bildirilib ki, oktyabrın 25-dən 28-dək davam edəcək festivalda Əməkdar Artist Şövqi Hüseynov Patrik Züskindin “Kontrabas” monotamaşası ilə səhnəyə çıxacaq. Səhnə əsəri oktyabrın 27-də təqdim olunacaq. Tamaşa indiyədək İran, Türkiyə, Moldova, Rusiya və Ukraynada keçirilən beynəlxalq teatr festivallarında müxtəlif mükafatlara layiq görülüb.
Meksikanın Azərbaycandakı səfirliyi fotomüsabiqə elan edir
Meksikanın Azərbaycandakı səfirliyi meksikalı heykəltəraş Xorxe Marin ilə birlikdə “Varlığın canlanması” incəsənət əsərləri toplusuna aid foto müsabiqə elan edir. Meksika səfirliyindən "Olaylar"- a verilən məlumata görə, müsabiqə iştirak etmək üçün Xorxe Marinin Heydər Əliyev Mərkəzində təqdim olunan əsərlərindən biri ilə şəkil çəkdirmək və fotonu sentyabrın 7-dək [email protected] elektron ünvanına göndərmək lazımdır.
Böyük Qafqazın əlilliyi olan aktyorlardan ibarət ilk teatrı - ƏSA bir yaşında
Azərbaycan teatrının “əsası”, ölkənin, eləcə də Böyük Qafqazın əlilliyi olan aktyorlardan ibarət ilk teatrı olan ƏSA-nın bu gün bir yaşı tamam oldu. ƏSA Teatrının baş meneceri Nicat Qulamın “Olaylar” - a verdiyi məlumata görə, teatr 3 sentyabr 2016-cı ildə aktyor-rejissor Nihad Qulamzadə tərəfindən yaradılıb. Yarandığı ilk günlər teatrın heyəti Orxan Adıgözəl, Nicat Qulam, Murad Məmmədov, Elvin Mirzeyev və Nihad Qulamzadədən ibarət olub. Beş nəfərlik heyətlə fəaliyyətə başlayan teatr qısa zamanda bir çox uğurlara imza atıb və irəliləyən zamanda heyətini çoxaldaraq, təkminləşdirib.
"Bakı Foto 2017" foto müsabiqəsinin qalibləri mükafatlandırılacaq
Sentyabrın 17 -də "İçərişəhər" Dövlət Tarix-Memarlıq Qoruğunda "Bakı Foto 2017" foto müsabiqəsinin iştirakçılarının mükafatlandırılma mərasimi olacaq. "Olaylar" bildirir ki, tədbirdə həmçinin müsabiqə iştirakçılarının əsərlərindən ibarət sərgi də keçiriləcək. Sərgidə beş nominasiya üzrə qalib gəlmiş fotoqrafların əsərləri təqdim ediləcək: "İçərişəhər: Dünən, Bu Gün", "Portret", "Təbiət", "Tədbirlər" və "Bədii Fotoşəkil".
"Səs" Beynəlxalq Film Festivalında
İran və Azərbaycanın müştərək istehsalı olan “Səs” qısametrajlı bədii filmi Kazan şəhərində keçirilən Beynəlxalq Kino Festivalında iştirak edəcək. "Olaylar" bildirir ki, filmin rejissoru Dariuş Nəcəfi Göl (Ərturan Nəcəfi), Azərbaycan tərəfdən prodüseri Fariz Əhmədovdur. Fariz Əhmədovun sözlərinə görə, film festivalın qısametrajlı bədii filmlər bölməsində yarışacaq. Bu bölmənin münsiflər heyətinə Əlirza Şahruhi (İran), Yelena Alekseyeva (Rusiya) və Orxan Milli (Türkiyə) daxildir. Festival “mədəniyyətlərin dialoqundan dialoq mədəniyyətinə” devizi altında keçirilir. Bu ilki festival 61 ölkədən 782 film göndərilib. Bu filmlər içərisindən “Səs” filmi də seçilərək şort-listə düşüb.
Film Fondunda müşavirə
Dövlət Film Fondunda mədəniyyət və turizm nazirinin müavini Ədalət Vəliyevin iştirakı ilə ölkəmizdə kino işinin təşkili və inkişaf etdirilməsinə həsr olunmuş müşavirə keçirilib. Kino işinin yaxşılaşdırılması ilə bağlı məsələlərin müzakirə olunduğu müşavirədə “Azərbaycanfilm” kinostudiyası, Dövlət Film Fondu, “Yaddaş” və “Salnamə” studiyalarının kollektivi və Azərbaycan Respublikası Kinematoqrafçılar İttifaqının nümayəndələri iştirak edib. Nazirliyindən "Olaylar" -a bildirilib ki, müşavirədə çıxış edən Ədalət Vəliyev ölkəmizdə kino sənayesinin inkişafı istiqamətində son 10 ildə görülən işlər, qazanılan nailiyyətlər haqqında məlumat verib. Bildirib ki, ümummilli lider Heydər Əliyevin mədəniyyət və incəsənət xadimlərinə, kino sahəsində çalışanlara göstərdiyi diqqət və qayğı hazırda Prezident İlham Əliyev tərəfindən uğurla davam etdirilir.