Mədəniyyət
“Aygün Kazımovanın konsertini biz maliyyələşdirmirik”
Sentyabrın 22-də “Baku Crystal Hall”da xalq artisti Aygün Kazımovanın “Aygün Kazımova – 30 il” adlı solo konserti baş tutacaq. Afişa və anonslarda konsertin İdman və Gənclər Nazirliyinin dəstəyi ilə baş tutacağı qeyd edilir.
Petek Dinçöz: "Sırf Azərbaycan üçün dəyişdim"
Türkiyəli müğənni Petek Dinçöz Bakıya gəlib. Paytaxtımıza aktrisa Məlahət Abbasovanın dəvəti ilə gələn sənətçi media nümayəndələri ilə görüşüb. Azərbaycanla bağlı təəssüratlarını bölüşən Dinçöz bura tez-tez gəldiyini deyib: "Bir vaxtlar Türkiyədə veriliş aparırıdım. Onda bir çox azərbaycanlı sənətçini proqramımda qonaq etmişdim. Sizin ölkənizdə sənətə böyük hörmət var. Mən izmirliyəm. Siz də onlar kimi səmimisiniz".
Azərbaycanlı aktrisa gəlinlikdə POZALAR VERDİ
Bu gün türk estetik cərrah Murat Temizlə ailə həyatı quran aktrisa Cəmilə Tağızadə fotosessiya etdirib. “Love story” fotolar çəkdirən cütlük gəlin və bəy geyimində olub. Cəmilə və Murat fotoqraf Xətai Yusubovun obyektivi qarşısına keçib.
“Retro Bakı” - da bu həftə kimlər olacaq?
Sentyabrın 8 – 9- da Fəvvarələr Meydanında Mədəniyyət və Turizm Baş İdarəsinin layihəsi əsasında Mədəni tədbirlərin təşkili və yaradıcı gənclərlə iş üzrə Mərkəzin təşkilatçılığı ilə keçirilən “Retro Bakı” layihəsinin növbəti konsertləri baş tutacaq. “Olaylar” bildirir ki, bu həftə “Retro Bakı”nın qonaqları tanınmış müğənnilər İlqar Sail, Samir Rəcəbov və Elxan Çələbi, reper Anar Nağılbaz maraqlı repertuarla paytaxt sakinləri və qonaqlarının görüşünə gələcək.
Mikayıl Müşfiqin xatirə gecəsi keçirilib
Sumqayıt Regional Mədəniyyət və Turizm idarəsinin dəstəyi, AYB Sumqayıt bölməsi və S.Vurğun adına Mərkəzi Kitabxananın uşaq şöbəsinin birgə təşkilatçılığı ilə Xızı rayonunda şair Mikayıl Müşfiqin xatirə gecəsi keçirilib. “OLAYLAR”-ın Mədəniyyət və Turizm Nazirliyinə istinadən verdiyi xəbərə görə, Mikayıl Müşfiq muzeyində baş tutan tədbirdə muzeyin direktoru Orxan Əzimov şairin qisa ömür yolu və yaradıcılığı, o cümlədən, muzeyin fəaliyyəti haqqında ətraflı məlumat verib.
İlk dəfə olaraq – “Asılmış kitab” payız kitab marafonu
Bakı Şəhər Mədəniyyət və Turizm Baş İdarəsinin Səbail Rayon Mərkəzləşdirilmiş Kitabxana Sisteminin (MKS) mərkəzi kitabxanasında ilk dəfə olaraq “Asılmış kitab” payız kitab marafonu keçirilir. “Olaylar” bildirir ki, noyabrın 30-dək davam edəcək marafonda oxucular bəyəndikləri kitab haqqında rəy yazmaqla yanaşı, onu başqasına tövsiyə etmək məqsədilə rəmzi olaraq yaradılmış ağacdan “asa bilmək” imkanı əldə edəcəklər. Marafonun məqsədi üstündə rəy yazılmış kitabların digər oxucular tərəfindən yenidən oxunmasıdır. “Asılmış kitab” aksiyası Avropada dəb olan “asılmış əşyalar” təcrübəsinə əsaslanır. Ehtimal olunur ki, bu ənənənin kökü İtaliyanın Neapol şəhərindən başlayıb.
Lütfi Zadə vəfat etdi
Dünya şöhrətli azərbaycanlı alim, qeyri-səlis çoxluqlar nəzəriyyəsinin və qeyri-səlis məntiqin banisi, Kaliforniya Universitetinin professoru Lütfi Zadə sentyabrın 6-da Kaliforniya vaxti ilə səhər saat 7:30 radələrində dünyasını dəyişib. Bu barədə məlumatı Zadə ailəsinin yaxın dostu, professor Lütfi Zadənin son aylarında onun hər zaman yanında olan Azərbaycan Texniki Universitetinin professoru Şahnaz Şahbazova verib. Xatırladaq ki, avqust ayında Lütfi Zadənin Azərbaycanda dəfn edilməsi üçün məsuliyyətli şəxs kimi məhz Şahnaz Şahbazovaya vərəsə məktubu təqdim olunub. Məktubda professorun vəfatından sonra onun nəşinin Azərbaycanda dəfn edilməsi vəsiyyət edilir. Məktubu professor Lütfi Zadənin oğlu Norman Zadə imzalayıb. Məktubda, həmçinin professor Lütfi Zadənin bütün mükafatları, ordenləri, medalları və kitabları professor Şahbazovaya vəsiyyət edilməsi qeyd olunub.
Səmranın klipində MASSON izləri – Göz, 13 rəqəmi və üçbucaq – VİDEO
Müğənni Səmra Rəhimli “Tərs gedir” adlı yeni klipini təqdim edib. Yutub video portalında yayımlanan klipin müəllifi Əli Fərhaddır. Bundan öncə çıxardığı “Badminton” adlı klipdə masson işarələrindən istifadə edən Səmra edilən qınaqlara fikir verməyərək bu ekran işində də eyni simvollardan istifadə edib.
Filmlərimiz Rumıniyada nümayiş olunacaq
Sentyabrın 7-dən 10-dək Rumıniyanın paytaxtı Buxarestdə “Bir dünya” adlı səfirliklər festivalı keçiriləcək. Tədbirdə Azərbaycan filmləri də nümayiş etdiriləcək. Dörd gün ərzində paytaxt sakinləri “CinemaPro” kinoteatrında Azərbaycan istehsalı olan “Niyyət” və “Qırmızı bağ” filmlərinə baxa biləcəklər.
Ermənilərin atdığı mərmi muzeydə nümayiş olunacaq
Ermənistan-Azərbaycan, Dağlıq Qarabağ münaqişəsini əks etdirən bir sıra materiallar müntəzəm olaraq AMEA Milli Azərbaycan Tarixi Muzeyinə təqdim edilir. “Olaylar” bildiriir ki, bu günlərdə düşmən qəddarlığını əks etdirən daha bir material - erməni silahlı qüvvələrinin dəzgahlı qumbaraatanlardan atdığı mərmi muzeyə təqdim olunub. Mərmini muzeyə Füzuli rayon sakini, Bakı Dövlət Universitetinin müəllimi Nazim Vəlişov təqdim edib. N.Vəlişov Qarabağa dair kitablarını da muzeyə hədiyyə edib.
Mətanət Əliverdiyeva işdən çıxdı
Aparıcı Mətanət Əliverdiyeva 106.3 FM-də aparıcısı olduğu "Boomerang" səhər şousundan ayrılıb. Aparıcı açıqlamasında bildirib ki, buna səbəb telekanaldakı işlərinin çoxluğu olub: "5 gəlin"də işlərim çox oldu. Həm də format dəyişdik. Sentyabrın 10-dan efirdə olmalıyıq. Rayonlara gedirik, heç cür çatdıra bilmirdim. Gecə gec qayıdırıq, tezdən çəkilişlərdə oluruq. Kollektiv mənə görə oturub gözləyirdi, alınmır. Sırf "5 gəlin"də olacam.
Teatr yeni mövsümdə beynəlxalq festivallarda iştirak edəcək
Azərbaycan Dövlət Gənc Tamaşaçılar Teatrı özünün 90-cı mövsümündə 3 beynəlxalq teatr festivalında iştirak etmək üçün səfərə hazırlaşır. “Olaylar” bildirir ki, sentyabr ayının 7-dən 14-dək kollektiv Ufa şəhərində keçiriləcək “Tuqanlıq” VI Beynəlxalq teatr festivalında iştirak edəcək. Festivalda ölkəmizi yazıçı-dramaturq Tamara Vəliyevanın “Cəza” adlı təkadamlıq oyun tamaşası təmsil edəcəkdir. Tamaşada əsas ifaçı Əməkdar artist Kəmalə Hüseynovadır. Tamaşanın quruluşçu rejissoru Əməkdar incəsənət xadimi Mehriban Ələkbərzadə, işıq üzrə rəssamı Vadim Kuskov, truykların quruluşu İsa Əsədova məxsusdur.
Gənc Tamaşaçılar Teatrı yubiley mövsümündə
Sentyabrın 5 – də Gənc Tamaşaçılar Teatrı özünün 90-cı mövsümünə qədəm qoydu. “Olaylar” bildirir ki, mövsümün açılışı münasibət ilə keçirilən iclasda teatrın direktoru, Əməkdar incəsənət xadimi Mübariz Həmidov çıxış edərək kollektivin yeni, yubiley mövsümünü təbrik etdi. Bildirdi ki, 90-cı mövsümdə teatrı böyük yeniliklər gözləyir. Eyni zamanda qarşıda duran vəzifələr haqqında məlumatı diqqətə çatdıran teatrın rəhbəri ilin sonunadək görüləcək işlər haqqında ətraflı məlumat verdi. Direktor mövsümdə yeni bir beynəlxalq layihənin həyata keçiriləcəyini də xüsusi vurğuladı.
"Ağ dərili insanları sevmirəm, sevdiyim xanım qaraşındır"
Sevdiyim insan var. Əvvəl qarşılqısız idi. İndi isə sevgimin qarşılığı var. Bu sözləri müğənni Niyam Salami deyib. Sənətçi "ATV maqazin onlarla" verilişinə açıqlamsında şəxsi həyatı ilə bağlı açıqlama verib: "Çox xoşbəxtəm, hər şey normaldır. Qısqanc adamam. Pis bir hərəkətin baş verməsinə imkan yaratmaram.
Ölümcül hala düşən Faytonçu Nazim aylar sonra efirdə - VİDEO
"Səhər-səhər" verilişinin növbəti qonağı uzun zamandır ağır xətəlikdən əzab çəkən müğənni Nazim Pişyari (Faytonçu) olub. Səhhətində yaranan problemlərlə əlaqədar olaraq uzun zamandır səhnələrdən və efirlərdən uzaq düşən sənətçi, maraqlı açıqlamaları ilə diqqət çəkib.