Mədəniyyət
Xalq Artisti Elza İbrahimovanın xatirəsi anıldı
Heydər Əliyev Sarayında tanınmış bəstəkar, Xalq Artisti Elza İbrahimovanın 80 illiyinə həsr olunmuş yubiley gecəsi keçirilib. Tədbirdə Bəstəkarlar İttifaqının katibi, Əməkdar İncəsənət Xadimi Sərdar Fərəcov Azərbaycan Respublikası Prezidentinin 2017-ci il 22 dekabr tarixli Sərəncamına əsasən Xalq Artisti Elza İbrahimovanın anadan olmasının 80 illik yubileyinin dövlət səviyyəsində qeyd edildiyini vurğulayıb. Bildirib ki, ömrünün 50 ilindən çoxunu bəstəkarlıq sənətinə həsr etmiş Elza İbrahimova sənətin ən yüksək zirvələrini fəth edərək musiqisevərlərin ürəyində özünə əbədi heykəl ucaldıb.
Tarix Muzeyində AXC dövrünə aid pul vahidləri qorunur
AMEA-nın Milli Azərbaycan Tarixi Muzeyinin bonistika kolleksiyasında Azərbaycan Xalq Cümhuriyyəti (AXC) dövrünə aid pul vahidləri qorunub saxlanılır. Olaylar.az bildirir ki, müsəlman dünyasında ilk demokratik dövlət olan AXC-nin müstəqil pul emissiyası 1919-cu ilin əvvəlində tədavülə buraxılan 1, 25, 50, 100, 250 və 500 manatlıq əskinaslarla başlayır. Əskinasın üz tərəfində Cümhuriyyət, arxa tərəfində isə rus dilində “Аzerbaydjanskaya Respublika” ifadələri, nominal dəyəri və buraxıldığı tarix göstərilib.
Arif Babayevin yubileyi qeyd edildi
Azərbaycan Milli Konservatoriyasında (AMK) görkəmli muğam ifaçısı, Xalq Artisti, konservatoriyanın “Xanəndə” kafedrasının müdiri, professor Arif Babayevin 80 illik yubileyi geniş konsert proqramı ilə qeyd edilib.
Xalq artisti ustad dərsləri keçəcək
Fevralın 27-də “YARAT” Müasir İncəsənət Mərkəzində kinorejissor, Xalq Artisti Oqtay Mirqasımov tərəfindən “İmprovizasiya – yaradıcı özünüifadə tərzi kimi” adlı ustad dərsi keçiriləcək. Ustad dərsi zamanı qonaqlar hekayələrini təcrübəli rejissorun rəhbərliyi altında qısa filmə çevirə biləcək.
Tanınmış şair-dramaturq vəfat etdi
Tanınmış şair, dramaturq, publisist, Azərbaycan Yazıçılar Birliyinin üzvü Teyyub Qurban vəfat edib. Yaxınlarının məlumatına görə, Teyyub Qurban bu gün dünyasını dəyişib. Mərhum sabah saat 2-də Bülbülə kəndində dəfn olunacaq.
“Sərgüzəşti-vəziri-xani-Lənkəran” tələbələrin ifasında
Azərbaycan Dövlət Mədəniyyət və İncəsənət Universitetinin Beynəlxalq Muğam Mərkəzi ilə “Gənc nəsil dəvət edir” layihəsi çərçivəsində Əməkdar artist, professor Gülşad Baxşıyevanın rəhbərliyi ilə IV kurs tələbələrinin ifasında Mirzə Fətəli Axundov “Sərgüzəşti-vəziri-xani-Lənkəran” tamaşası nümayiş olunub.
Rəqsanə Cini məhkəməyə verir
Müğənni Rəqsanə İsmayılova onun mahnılarını oxuyan sənətçiləri məhkəməyə verəcək. Sənətçi bu haqda İnstaqramda canlı yayıma girərkən deyib. O bildirib ki, mahnılarını oxuyanlar ondan icazə almırlar: "Çıxıb dədələrinin mahnısı kimi oxuyurlar. Heç olmasa, adama zəng vurub icazə alsınlar. Moskvada olsam belə nömrələrim açıqdır. Heç olmasa efirdə oxuyanda desinlər ki, Rəqsanənin mahnısıdır.
“Bu eşq günah olsa da, qəbul edirəm” - İlqarə
Xalq artisti Aygün Kazımovanın müğənni qızı İlqarə sosial şəbəkədə yeni fotosunu paylaşıb. Məlumatına görə, sənətçi saçlarını kəsdirib. İlqarənin son günlər fotolarına yazdığı romantik statuslar diqqət çəkib. O, sözügedən şəklinə "Bu eşq günah olsa da, qəbul edirəm" şərhini yazıb.
Mənsum İbrahimov Aygün-Röya QALMAQALINDAN DANIŞDI
"Bütün Azərbaycan bilir ki, Röyanı dəstəkləyirəm" Xalq artisti Mənsum İbrahimov əməkdar artistlər Röya Ayxan və Aygün Bəylər arasında yaşanan qalmaqala münasibət bildirib. Sənətkar açıqlamasında hər iki sənətçini barışığa çağırıb və belə qalmaqalların sənətə yaraşmadığını deyib: "Belə qalmaqallar sənət aləminə yaraşmaz. Bunlar xalqın gözündə nümunəvi insanlardır, ikisi də gözəl sənətkardır. Bütün Azərbaycan bilir ki, Röyanı çox istəyirəm, hər zaman da onu dəstəkləyirəm. Hər ikisi respublikanın əməkdar artistləridir. Aygünün də xətrini çox istəyirəm, sənətini sevirəm. Bəzən insan emosional olur, mətbuatda da bəzi adamlar bunu şişirdirlər".
Azərbaycanlı aktrisa qarlı havada soyundu
Aktrisa Leyla Hümmətova yeni fotosessiya etdirib. Aktrisa qarlı havada çimərlik geyimində fotokamera qarşısına keçib.
“Qu gölü” baleti yenidən səhnədə
Martın 7-də Azərbaycan Dövlət Akademik Opera və Balet Teatrında Pyotr Çaykovskinin “Qu gölü” baletinin tamaşası nümayiş olunacaq. Tamaşaçıların çox sevdiyi və böyük maraq göstərdikləri bu balet 8 Mart - Beynəlxalq qadınlar gününə həsr olunub. Olaylar.az bildirir ki, tamaşada əsas rolları Rusiya Dövlət Akademik Böyük Opera və Balet Teatrının solistləri, balet artistlərinin beynəlxalq müsabiqələrinin laureatları Alyona Kovalyova və Yakopo Tissi ifa edəcəklər. Qeyd edək ki, Ziqfrid rolunun ifaçısı Y.Tissi İtaliya balet məktəbinin yetirməsidir.
Musiqili Teatrda həftəsonu
Azərbaycan Dövlət Musiqili Teatrında həftəsonu 3 gün ərzində 5 tamaşa nümayiş olunacaq. Qurumun mətbuat xidmətindən Olaylar.az -a bildirilib ki, həftəsonu - 24 fevral saat 19:00 “Bankir adaxlı” (E.Sabitoğlu, T.Vəliyeva), 25 fevral saat 12:00-da uşaqlar üçün “Yatmış gözəl və cırtdanlar” (Ş.Pero, A.Sadıqov) tamaşaları ana dilimizdə təqdim ediləcək.
Almaniyalı alim mədəniyyətimizi araşdırır
Almaniya Arxeologiya İnstitutunun Avrasiya departamentinin elmi əməkdaşı, doktor Mark İserlis “Şimali Qafqazın Maykop fenomeni: əsasa dönüş” layihəsi əsasında Azərbaycan Milli Elmlər Akademiyasının Arxeologiya və Etnoqrafiya İnstitutunun arxeoloji fondunda ölkəmizin ərazisində xalkolit (eramızdan əvvəl IV minilliyin əvvəlləri) dövrünə aid keramika məmulatları üzərində araşdırma aparır. Olaylar.az bildirir ki, almaniyalı alimin əsas tədqiqat obyekti Leylatəpə, Fərmantəpə və Alxantəpə qədim yaşayış məskənlərindən aşkar olunan keramika məmulatlarıdır.