Mədəniyyət
Zamiq gələcək xanımı haqqında məlumat verdi
Müğənni Zamiq Hüseynov yayılan evlilik xəbərinə münasibət bildirib. Müğənni gələn ay toyunun olacağını deyib: "Yayılan xəbər doğrudur. Yaxın bir ay ərzində toyum olacaq. Sevdiyim xanımın şou-bizneslə və sənət aləmi ilə heç bir əlaqəsi yoxdur. Oxumuş bir qızdır. Ancaq heç bir yerdə çalışmır, evdardır. Başqa açıqlama verə bilmərəm".
Əri tərəfindən vəhşicəsinə döyülən azərbaycanlı müğənni efirə gəldi
Təxminən 20 gün öncə həyat yoldaşı tərəfindən döyüldüyü deyilən Anara adlı azərbaycanlı müğənni bu gün "Səhər-Səhər" verilişinin qonağı olub. Gənc qadın türk əsilli həyat yoldaşının onu müğənni kimi qəbul edərək 8 il öncə ailə həyatı qurduqlarını deyib.
Canlı efirdə aparıcını hədələyən Baloğlan Əşrəfov: “Sənin başını kəsmək lazımdır” – QALMAQAL
Space Tv-də canlı yayımlanan “Onda başladıq” verilişində qonaq olan müğənni Baloğlan Əşrəfov sənətşünaslıq üzrə fəlsəfə doktoru, aparıcı Elçin Əlibəylinin başını kəsməklə hədələyib.
İtaliyanın balet truppası Azərbaycan səhnəsində
Aprelin 21-də Azərbaycan Dövlət Akademik Opera və Balet Teatrı ilə İtaliyanın Azərbaycandakı səfirliyinin birgə mədəni proqramı çərçivəsində teatra tanınmış italyan balet truppası "Spellbound"un çıxışı keçiriləcək. Olaylar.az bildirir ki, balet truppası Bakıda "Bir axşam Spellboundla"adlı proqram təqdim edəcək.
"Eurovision 2018"-in açılışını Aysel Məmmədova edəcək - VİDEO
"Eurovision 2018"-in açılışını Aysel Məmmədova edəcək. Məlumata görə, mahnı müsabiqəsində iştirakçıların sıra nömrəsi müəyyənləşib. Azərbaycan təmsilçisi Aysel “X my heart” mahnısı ilə birinci yarımfinalda birinci nömrə altında çıxış edəcək.
Azərbaycan Misir ədəbi əlaqələri müzakirə olundu - MİSİRDƏ
AMEA N.Gəncəvi adına Ədəbiyyat İnstitutunun şöbə müdiri professor İmamverdi Həmidov Misirdə Azərbaycan dili tədris olunan məşhur universitetlərindən olan Ayn Şəms Universitetinin dəvəti ilə “Misirdə şərq araşdırmaları: təşəkkülü və inkişafı” mövzusunda keçirilən konfransda məruzə ilə iştirak edib. Olaylar.az bildirir ki, konfrans çərçivəsində professor Ayn Şəms Universitetində Azərbaycan ədəbiyyatı və şərq dilləri, o cümlədən Azərbaycan Misir ədəbi əlaqələri haqqında çıxış edərək, Ərəb-Misir və Azərbaycan ədəbiyyatlarında ədəbi əlaqələrlə bağlı məsələlərə aydınlıq gətirməklə xalq ədəbiyyatında və klassiklərimizin əsərlərində olan Misir mövzusu barədə məlumatlar verib.
"Arvadımı döymüşəm, atasını da yandırmışam" - azərbaycanlı müğənni
"Ata-anama nəsə deyəcək, mən baxacam onun üzünə?! Arvadımı döymüşəm, atasını da yandırmışam. Olanı deyirəm, nə yalan deyim". Məlumata görə, bu sözləri müğənni Əli Mirəliyev ARB TV-nin “Səhər-Səhər” verlişində deyib.
Sənət Mərkəzində növbəti rəsm müsabiqəsi
Azərbaycan Respublikası Mədəniyyət və Turizm Nazirliyi, Azərbaycan Dövlət Rəsm Qalereyası, "Mədəniyyət" qəzeti və Xətai Sənət Mərkəzi "Bakı Prosesi"nin 10-cu ildönümünün qeyd edilməsi haqqında" Azərbaycan Respublikası Prezidentinin 17 noyabr 2017-ci il tarixli Sərəncamına əsasən "Bakı prosesi"nin 10 illiyinə həsr olunmuş tədbirlər çərçivəsində tələbələr və gənc rəssamlar arasında təsviri sənət üzrə “21 may Dialoq və İnkişaf Naminə Ümumdünya Mədəni Müxtəliflik Günü” mövzusunda rəsm müsabiqəsini elan edir.
Milli kinomuzun tarixi afişalarda...
Muzey Mərkəzində milli kinomuzun 120 illiyinə həsr edilmiş “Azərbaycan kinosu afişalarda” adlı sərgi açılıb. Sərgi Mədəniyyət və Turizm Nazirliyi, Azərbaycan Respublikası Kinematoqrafçılar İttifaqı və Dövlət Film Fondunun birgə təşkilatçılığı ilə reallaşıb.
Qız qalası mavi rənglə işıqlandırılıb
“İçərişəhər” Dövlət Tarix-Memarlıq Qoruğu İdarəsinin dəstəyi ilə Autizm Məlumatlandırma Günü çərçivəsində Qız qalası mavi rənglə işıqlandırılıb. “Mavi işıqla işıqlandır” (“Light It Up Blue”) layihəsində məqsəd autizmli uşaqların və onların ailələrinin problemlərini cəmiyyətin diqqətinə çatdırmaqdır.
Nəsib Nura yeni vəzifə verildi
“Xəzər FM” və 100.5 FM radiolarının rəhbəri Nəsib Nur yeni vəzifəyə təyin edilib. Aparıcı açıqlamasında bildirib ki, “Dalğa TV”yə yaradıcılıq üzrə rəhbər təyin edilib: “İş yerimiz “Xəzər Media Mərkəzi” olaraq qalır. “Dalğa TV” də həmin mərkəzə daxil olan bir qurumdur. Hazırda kanal formalaşmaq üzrədir. Mən də yaradıcılıq işlərinə və kanalın ümumi fəaliyyətinə məsul olacağam. Artıq bu gündən vəzifəmin icrasına başlamışam”.
Gənc Tamaşaçılar Teatrında növbəti tamaşa Aprel şəhidinə həsr edilib
Aprelin 5-də Azərbaycan Dövlət Gənc Tamaşaçılar Teatrında “Yarımçıq qalmış” adlı tamaşa nümayiş ediləcək. Teatrın mətbuat xidmətindən bildirilib ki, Xalq Artisti Vaqif Əsədovun quruluşunda baxılacaq səhnə əsəri Leyla Beyim və Yefim Abramovun eyniadlı əsərləri əsasında səhnələşdirilib.
Teatrda yeni tamaşa hazırlanır
Azərbaycan Dövlət Gənc Tamaşaçılar Teatrında 2018-ci ilin repertuar planında təsdiq olunmuş P.Cullifordun “Şirinlər” pyesi əsasında eyniadlı yeni tamaşanın hazırlanmasına start verilmişdir. Kiçik yaşlı məktəblilər üçün nəzərdə tutulmuş tamaşada xeyirxahlıq, insanların bəd əməllərdən uzaqlaşdırılması, hər kəsin dost və mehribanlıq şəraitində yaşaması kimi nəcib hisslər aşılanır. Olaylar.az bildirir ki, tamaşanın quruluşçu rejissoru Elşad Rəhimzadə, rəssamı Şahin Hüseynli, kostyum üzrə rəssamı Yekaterina Bıçkova, musiqi tərtibatı İradə Muradova, tamaşanın plastik həlli Ceyhun Dadaşov və rejissor assistenti Günay Qasımovadır.
“Adama” filmi nümayiş olunacaq
Aprelin 4-də “CinemaPlus Azerbaijan” kinoteatrında Fransanın Bakıdakı səfirliyi və Azərbaycan Fransız İnstitutu Simon Rubinin “Adama” animasiya filmini təqdim edəcək. Simon Rubi animasiya filmlərinin rejissorudur. “Adama” onun ssenari müəllifi Julyen Tilti ilə 2015-ci ildə ərsəyə gətirdiyi ilk animasıyasıdır.
“Anar Məmmədxanov. Kapitanın taleyi” kitabı təqdim edildi
Beynəlxalq Muğam Mərkəzində yazıçı-publisist, Əməkdar Jurnalist, Milli Məclisin deputatı Elmira Axundovanın müəllifi olduğu “Anar Məmmədxanov. Kapitanın taleyi” (“Anar Mamedxanov. Sudba kapitana”) adlı kitabın təqdimat mərasimi keçirilib. “Bakılı oğlanlar” komandasının mərhum kapitanı Anar Məmmədxanovun vəfatının ildönümü ərəfəsində onun həyat və yaradıcılığına həsr olunan kitabın təqdimatında rəsmi şəxslər, Milli Məclisin deputatları, elm və mədəniyyət xadimləri, səfirlər, kütləvi informasiya vasitələrinin, ictimaiyyətin nümayəndələri iştirak ediblər. Əvvəlcə Anar Məmmədxanovun həyat yolu barədə videoçarx nümayiş etdirilib.