Mədəniyyət
Efirdə elə hadisə baş verdi ki, müğənni qaçaraq studiyadan çıxdı - VİDEO
ARB TV -də yayımlanan "Səhər-səhər" verilişində həyəcanlı anlar yaşanıb. Efirə qəfil gətirilən ilan müğənni Sevda Sanaliyevanı qorxuya salıb. Müğənni ilanı görər-görməz qaçaraq, studiyanı tərk edib.
Türkan efirə sinə dekolteli libasda gəldi - Pərviz duet oxumaqdan imtina etdi - VİDEO
Bu gün ARB TV-də yayımlanan "Səhər-səhər" verilişində maraqlı anlar yaşanıb. Verilişə Türkanın sinə dekolteli libasda gəlməsi sosial mediada birmənalı qarşılanmayıb.
Azər Vüsalə barədə: "Övladımın anasıdır, yazılara diqqət edin"
Aparıcı Azər İsmayılovun son günlər ayrıldığı həyat yoldaşı Vüsalə Əlizadə ilə tez-tez görüntülər paylaşması diqqət çəkib. Azər yenidən Vüsalə ilə şəklini İnstaqram səhifəsində yayımlayıb. O, illər əvvəl çəkilən fotolarına bu sözləri yazıb: "Əvvəlcədən xəbərdarlıq edim: bu şəkli paylaşıram, boş-boş fikirlər yazmayın ki, kim kiminsə üçün darıxır, ay nə bilim sevir, peşmandır. Sadəcə, hörmət edin fikirlərinizə. İnternetdə min ədəd bu cür şəkillər var. Arxivdən tapdım və paylaşdım. Hə, bir də övladımın anasıdır, yazılara diqqət edin, fotoya hörmətlə yanaşın. "Like"lara görə təşəkkür edirəm".
Ədəbiyyat İnstitutu və Yazıçılar Birliyi arasında memorandum imzalandı
AMEA Nizami Gəncəvi adına Ədəbiyyat İnstitutu ilə AzərbaycanYazıçılar Birliyinin Bədii Tərcümə və Ədəbi Əlaqələr Mərkəzi arasında əməkdaşlığa dair memorandum imzalanıb.
“Dastan gecələri” – Yeni layihə
Aprelin 18-dən etibarən AMEA-nın Folklor İnstitutu və Beynəlxalq Muğam Mərkəzinin birgə təşkilatçılığı ilə “Dastan gecələri” adlı yeni layihə baş tutacaq.
Elçin Maral Tahirqızını verilişindən qovdu - VİDEO
"El bizim, sirr bizim" verilişinin aparıcısı Elçin Əlibəyli Maral Tahirqızını verilişindən qovub. Aparıcının verilişinə qonaq çağırdığı müğənni Maral Tahırqızını aşağılaması və verilişindən qovduğunu əks etdirən görüntülər sosial şəbəkədə yayılıb. M.Tahirqızı qovulması ilə bağlı açıqlama verib.
.jpg)
1919-cu ilə aid “Milli nəğmələr” kitabı saxlanılır
AMEA Mərkəzi Elmi Kitabxanasında (MEK) tərcüməçi, naşir Ağa Həsən Mirzəzadənin topladığı “Milli nəğmələr” kitabı saxlanılır. Kitab 1919-cu ildə Bakıda İran Elektrik mətbəəsində çap olunub. Kitabda A.Səhhət, M.Ə.Sabir, M.Hadi, H.B.Zərdabi və digər ədiblərin şeirləri yer alıb. Onların içərisində sözlərini istiqlal şairi Əhməd Cavadın yazdığı Azərbaycan himni də var. Himnin sözləri kitabda “Vətən marşı” və “CAMO bəy” (Cavad Axundzadə Məhəmmədəli Oğlu) imzası ilə verilib.
Dünya opera ulduzları Azərbaycanda - “Madam Batterflyay”
Mayın 3-də Azərbaycan Dövlət Akademik Opera və Balet Teatrında İtaliyanın Azərbaycandakı səfirliyinin birgə layihəsi kimi Cakomo Puççininin “Madam Batterflyay” operasının tamaşası keçiriləcəkdir. Tamaşada əsas partiyanı Çio-Çio-San rolunu tanınmış italyan opera müğənnisi Silvana Fraş ifa edəcəkdir. Vətəni İtaliyada çıxış etməklə yanaşı, o həm də Almaniya, Belçika, Norveç. İngiltərə, İspaniya, ABŞ kimi ölkələrdə uğurla keçən qastrol səfərlərində olmuşdur. Şarples rolunda isə Ukrayna Milli operasının solisti, Ukraynanın Əməkdar artisti Dmitri Qrişin çıxış edəcəkdir.
Daha bir filmimiz Kann festivalına təqdim olundu
“Şollerin arxivi” bədii filmi 71-ci Kann filmi festivalına təqdim olunub. Filmin ssenari müəllifi, quruluşçu rejissoru və baş prodüseri Cəlaləddin Qasımov AZƏRTAC-a deyib ki, festivala martın 5-də filmlərin qəbulunun dayandırılmasına baxmayaraq, “Şollerin arxivi”ni apreldə qeydə alıblar. Hətta festivala qəbul üçün ödəniş rüsumlarını da özləri ödəyib. Rejissor bildirib ki, filmin çəkilişləri 11 ay davam edib. Triller janrında lentə alınan ekran əsərinin rejissoru, tanınmış kinematoqrafçı Adil Qulamov, quruluşçu operatoru Fahir Səmədoğlu, montajçısı Faiq Nagiyevdir.
Yeni tamaşa hazırlanır - Gənc Tamaşaçılar Teatrında
Doxsan illik yubileyini qeyd etməyə hazırlaşan Azərbaycan Dövlət Gənc Tamaşaçılar Teatrında növbəti yeni tamaşa hazırlanır. Olaylar.az bildirir ki, Azərbaycan xalq nağılı əsasında səhnələşdirilmiş və teatrın repertuar planında təsdiq olunan “Tənbəl Əhməd” adlı səhnə əsəri gənclər və yeniyetmələrə xeyirxahlıq, zəhmətkeşlik, sədaqətlilik kimi yüksək insani keyfiyyətləri aşılayır. Tamaşanın quruluşçu rejissoru gənc rejissor Ayla Osmanovadır.
Muzeydə "Tətilə gedin" - Vintaj poster sərgisi
İsveçrənin Azərbaycandakı səfirliyi bu ilki Frankofoniya həftələrində böyük məmmuniyyətlə, geniş ictimaiyyətə ünvanlanmış "Tətilə gedin!" adlı Vintaj poster sərgisini təqdim edir: Aprelin 13- də saat 19.00-da Azərbaycan Milli İncəsənət Muzeyində sərginin açılışı olacaq. Olaylarr.az bildirir ki, tədbirdə Mədəniyyət və Turizm Nazirliyinin rəsmiləri, İsveçrə Səfiri və tərəfdaş təşkilatı olan Tourism Switzerland-ın nümayəndəsi iştirak edəcək.
Milli Kitabxana treninqlərə başlayıb
“ALİSA” Elektron Kitabxana Sisteminin və innovasiyaların kitabxanalara tətbiqi ilə əlaqədar bir sıra rayon kitabxanalarının əməkdaşları üçün aprelin 12-dən 18-dək M.F.Axundzadə adına Azərbaycan Milli Kitabxanasında treninqlər başlayıb.
Röyanın keçmiş əri: "Yalnız oğluma görə..."
Anar Cəlilov keçmiş həyat yoldaşı Röya Ayxanın fikirlərinə münasibət bildirib. A. Cəlilov Röya ilə boşanandan sonra nəinki münasibət qurmaq, heç telefonla da əlaqə saxlamadığını deyib: "Yalnız oğluma görə, görüş olub. Amma şəxsi münasibətimiz yoxdur. Özü ilə görüşməmişəm, hətta telefonla da danışmamışam boşanandan sonra. Buna görə onun fikirləri həqiqətdən uzaqdır".
"Balaların, ailən pərişandır" - Nazənin ölən qardaşından yazdı
Xəbər verdiyimiz kimi, müğənni Nazəninin qardaşı dünyasını dəyişib. Sənətçi bununla bağlı paylaşım edib. O, hazırda pis olduğunu vurğulayıb: "Heyf sənə, qardaşım, çox heyf... Yerin cənnət olsun.
“Şah Qacar” yenidən səhnədə
Aprelin 13-də Akademik Milli Dram Teatrında “Şah Qacar” tamaşası növbəti dəfə nümayiş olunacaq. Olaylar.az bildirir ki, əməkdar incəsənət xadimi Əli Əmirlinin “Bütün deyilənlərə rəğmən və ya Ağa Məhəmməd Şah Qacar” pyesi əsasında hazırlanan səhnə əsərinin müəllifi, quruluşçu rejissoru və rəssamı xalq artisti Azər Paşa Nemətov, rejissoru Anar Babalı, bəstəkarı xalq artisti Siyavuş Kərimi, işıq rəssamı Rafael Həsənov, elmi məsləhətçisi akademik Çingiz Qacardır. Tamaşa Mədəniyyət və Turizm Nazirliyinin sifarişi əsasında hazırlanıb.