Mədəniyyət
“IMAGINE” Avropa Tolerantlıq Festivalı çərçivəsində - “Human”
Mayın 6-da “Fairmont Baku” otelində fransalı rejissor Yan Artüs Bertranın “Human” adlı sənədli filmi təqdim olunacaq. “IMAGINE” Avropa Tolerantlıq Festivalı çərçivəsində nümayiş ediləcək ekran əsəri ingilis dilində subtitrlər vasitəsilə izləniləcək. “Human” insan anlayışının ən dərinliklərinə dalan hekayə və şəkillər toplusudur. Film insanı sevgi, xoşbəxtlik, eləcə də nifrət və zorakılıq hekayələri vasitəsilə “başqası” ilə üzləşdirir və insanın şəxsi həyatına nəzər salmağa dəvət edir.
Teatrın direktoru Kalmık Milli Dram Teatrının baş direktoru ilə görüşdü
Azərbaycan Dövlət Gənc Tamaşaçılar Teatrının direktoru Mübariz Həmidov ölkəmizdə səfərdə olan B.Basanqov adına Kalmık Milli Dram Teatrının baş direktoru Qalina Şurayeva ilə görüşüb. Görüş zamanı iki teatr arasında davam edən yaradıcılıq münasibətləri, Azərbaycan Kalmıkiya mədəni əməkdaşlığında teatrların rolu mövzusunda fikir mübadiləsi aparılıb. İki teatr arasında gələcəkdə daha böyük layihələrin reallaşması ilə bağlı məsələlər müzakirə edilib. Həmçinin Azərbaycan və Kalmıkiya arasındakı qarşılıqlı yaradıcılıq müqaviləsinin növbəti mövsümdə daha da genişləndirilərək maraqlı layihələrin, rejissor və tamaşa mübadilələrinin hər iki ölkə teatrları üçün əhəmiyyətindən danışılıb.
Bakıda Yahya Kamal Beyatlının yaradıcılığı müzakirə olunub
Bakı Yunus Əmrə İnstitutunda “Yahya Kamal: Bir İstanbul şairi” adlı konfrans keçirilib. Bakı Yunus Əmrə İnstitutunun rəhbəri Cihan Özdemir Azərbaycan və Türkiyə ədəbiyyatının dəyərli nümunələrinin təbliği, şairlərin ictimaiyyətdə tanıdılması, iki ölkə arasında mədəni əlaqələri gücləndirməsi baxımından konfransın əhəmiyyətindən danışıb.
Teatr səfərə hazırlaşır
Azərbaycan Dövlət Gənc Tamaşaçılar Teatrının kollektivi Makedoniya Respublikası Bitola Mədəniyyət Mərkəzinin dəvəti ilə may ayının 10-dan 16-dək Bitola şəhərində keçiriləcək “XX Beynəlxalq Monodram” festivalında iştirak edəcək. Azərbaycan Respublikası Mədəniyyət və Turizm Nazirliyinin dəstəyi ilə reallaşacaq sözügedən festivalda iştirak etmək üçün Azərbaycan Dövlət Gənc Tamaşaçılar Teatrının direktoru, Əməkdar incəsənət xadimi Mübariz Həmidovun müvafiq əmri ilə Xalq artisti, rejissor Cənnət Səlimova, Əməkdar artist Şövqi Hüseynov və səhnə maşinisti Zaur Abasov may ayının 10-dan 16-dək Bitola şəhərinə ezam olunacaqlar.
“Avtoportret” sənədli filmi təqdim edildi
Nizami Kino Mərkəzində Mədəniyyət və Turizm Nazirliyinin təşkilatçılığı ilə “Avtoportret” sənədli filminin təqdimatı olub. Dövlət sifarişi ilə “Dublyaj” studiyasında istehsal olunan film görkəmli rəssam, Əməkdar İncəsənət Xadimi Eyyub Hüseynovun həyat və yaradıcılıq yoluna həsr edilib. Tədbirdə mədəniyyət və turizm nazirinin müavini vəzifəsini icra edən Ədalət Vəliyev XX əsr Azərbaycan rəssamlığının inkişafında böyük xidmətləri olan rəssamın həyat və yaradıcılığı haqqında iştirakçılara ətraflı söz açıb, onun əziz xatirəsinin sənətsevərlərin qəlbində daim yaşayacağını söyləyib. Vurğulayıb ki, E.Hüseynovun sənəti tələbələrinin, ən başlıcası, iki oğlunun örnəyində davam etdirilir.
AXC-nin qəbul etdiyi hüquqi aktlarla bağlı kitab çap olunub
Azərbaycan Milli Elmlər Akademiyasının (AMEA) Gəncə Bölməsinin Diyarşünaslıq İnstitutunun şöbə müdiri, tarix elmləri doktoru, professor Həsənbala Sadıqovun “Azərbaycan Xalq Cümhuriyyətinin Gəncədə qəbul etdiyi hüquqi aktlar və onun tarixinin izahlı xronologiyası” adlı kitabı nəşr edilib.
Dirijor Əyyub Quliyev Polşada beynəlxalq festivalda çıxış edib
17-20 aprel tarixlərində Polşanın Katovitsa şəhərində simfonik orkestrlərin VI beynəlxalq festivalı təşkil edilib.
Anar Nüşabəni bəzədi, izləyicilər bəyənmədi - Video
Stilist Anar Ağakişiyev bu dəfə əməkdar artist Nüşabə Ələsgərlinin imicinə dəyişiklik edib.
"Anam dua etdi və bacımdan 2 ay əvvəl öldü" - Nüşabə Ələsgərli - VİDEO
ARB TV-nin "Sirdaş Rövşanə" proqramının növbəti ekspert qonağı müğənni Nüşabə Ələsgərli olub. Məşhur müğənni proqramda anası və bacısının dünyalarını dəyişməyindən danışıb: "Hər kəsə öz anası şirindir. Anam öləndən sonra dünyam dəyişdi. Ondan 2 ay sonra da bacım rəhmətə getdi. Onkoloji xəstə idi.
Şərqin qızıl sikkələrindən ibarət kataloq
Azərbaycan Milli Elmlər Akademiyasının Milli Azərbaycan Tarixi Muzeyinin xüsusi fondunda qorunub saxlanılan Şərq qızıl sikkələri kolleksiyasından ibarət “Şərqin qızıl sikkələri” kataloqu hazırlanır.
"Həqiqəti bilsəniz, həyata nifrət edərsiniz" - Könül Təranə haqda
Müğənni Könül Kərimova ilə Təranə Qumral arasındakı qalmaqal böyüyüb. Kərimovanın "5/5" verilişində Təranəni görəndə durub getməsi hələ də müzakirə edilir. Müğənni bununla bağlı sosial şəbəkədə onu qınayan izləyicisinə cavab verib.K.Kərimova T.Qumralla bağlı baş verənlərin gerçək tərəfini açıqlamaq istəmədiyini biıdirib: "Siz həqiqəti bilsəniz, həyata, insanlığa nifrət edərsiniz. Ən azı yazdıqlarınıza görə utanarsınız. Şükr edirəm ki, həmin an ürəyim dayanmadı. Allah mənə güc verdi. Nə isə. Hər şey yaxşıdır".
“Zəngəzur” sənədli filmi sosial şəbəkələrdə
“Virtual Qarabağ” İnformasiya-Kommunikasiya Texnologiyaları Mərkəzi “Zəngəzur” sənədli filmini sosial şəbəkələrdə paylaşmaqla ictimaiyyətə təqdim edib. Azərbaycan, rus və ingilis dillərində olan film Gənclər və İdman Nazirliyinin dəstəyi ilə Azərbaycan Milli Elmlər Akademiyasının A.Bakıxanov adına Tarix İnstitutu və “Virtual Qarabağ” İKT Mərkəzinin əməkdaşlığı çərçivəsində hazırlanıb.
Azərbaycanlı sənətkarlar Beynəlxalq Festivalda münsiflər heyətində
Azərbaycan Dövlət Gənc Tamaşaçılar Teatrının baş rejissoru Azərbaycan və Kalmıkya Respublikalarının Əməkdar İncəsənət xadimi Bəhram Osmanov və teatrın aktyoru, Azərbaycan və Kalmıkya Respublikalarının Əməkdar artisti Şövqü Hüseynov bu ilin aprel ayının 25-dən mayın 1-dək İran İslam Respublikasının Təbriz şəhərində keçiriləcək V Beynəlxalq Küçə Teatrları Festivalında münsiflər heyətinin tərkibində iştirak etmək üçün Təbriz Bələdiyyəsinin Mədəniyyət və İncəsənət təşkilatı tərəfindən dəvət alıblar.
“Zəng” Məşhəd festivalında nümayiş olunacaq
Abdulla Şaiq adına Azərbaycan Dövlət Kukla Teatrının kollektivi növbəti səfərinə hazırlaşır. Olaylar.az bildirir ki, “Zəng” mono-tamaşası İran İslam Respublikasında nümayiş olunacaq. Məşhəd şəhərində reallaşacaq I “Jigi-Jigi” Beynəlxalq Performans və Sənət Festivalı aprelin 22-dən 30-dək davam edəcək.