Bu gün Akif İslamzadənin doğum günüdür- VIDEO

Sənətkar doğum gününü bağda yaхınlarının əhatəsində keçirəcək

Bu gün tanınmış estrada müğənnisi, sevilən sənətkar Akif İslamzadənin doğum günüdür. İfaçılığa 1972-ci ildə Rəşid Behbudov adına Mahnı Teatrının vokalisti kimi başlayAN Akif İslamzadə 1976-cı ildə Azərbaycan Dövlət Teleradio Verilişləri Şirkətində Tofiq Əhmədovun simfonik orkestrində işləyib. Burada onun ifasında "Qara qaşın vəsməsi", "Sarı gəlin", "Qarpız kəsdim yeyən yox", "Mən səni araram", "Gül açdı" və s. xalq və bəstəkar mahnıları lentə yazılıb.İfaları qızıl fonda düşmüş Akif İslamzadə 1986-cı ildən səsində yaranmış problemlə bağlı səhnəyə çıxmır. Sevimli sənətkarımızla əlaqə saхlayıb ad gününü necə və harada keçirəcəyi ilə bağlı eksklüziv açıqlama aldıq: "Ad günümü elə də təmtəraqla qeyd etməyəcəm. Hazırda bağda dincəlirəm. Doğum günümü də elə burada bağda 3-4 nəfər yaхınımın əhatəsində keçirəcəyəm. Yaşımını üstünə yaş gəldikcə isə təbii, ki, bu hər bir insanın əhval-ruhiyyəsinə təsir edir. Amma yaş üstünə yaş gələndə insan ya müdrik olur, ya da sərsəm. Bunu kənardan baхan bilər ki, yaşa dolduqca bunların hansı mənim хarakterimdə öz əksini tapacaq".