“Muhteşem Yuzyıl”dan möhtəşəm addım

Bred Pitt serialın aktyorları sırasında

"Muhteşem Yuzyıl" serialının istehsalçı şirkəti TİMS Production tamaşaçıları təəccübləndirən qərar verib. Yeni mövsümdə serialın oyunçu heyətinə Hollivuod ulduzu Bred Pitin qatılacağı ilə bağlı xəbərlər yayılıb. "Qafqazinfo"nun Türkiyə mətbuatına istinadən məlumatına görə, məşhur aktyor, serialardan birində qonaq oyunçu kimi yer alacaq. B. Pitt Sultan Süleymanın döyüşlərdən birində qarşı-qarşıya gələcəyi düşmən ordusunun başçısı olacaq. "Muhteşem Yuzyıl"ın rejissoru Timur Savçı da xəbəri təsdiqləyib. Bildirib ki, serial artıq dünyada da maraqla izlənildiyindən layihəni beynəlxalq səviyyəli etmək qərarına gəliblər. Hətta Bret Bitdən başqa digər məşhur ulduzları da seriala dəvət etmək fikrindədirlər.