«Ona qalsa Şəfiqə Məmmədovanın 8-9 evi var» - Rasim Balayev
«Dövlət tərəfindən mənə verilən təqaüdün, evin ittifaqın məsələlərinə nə dəхli var?»
Bu günlərdə yeni Kinematoqrafçıalr İttifaqının yaranması böyük qalmaqallara, intriqalara səbəb olub. Mətbuatda və internet portallarında Rüstəm İbrahimbəyovun rəhbərlik etdiyi eyniadlı qurumun fəaliyyəti ciddi şəkildə tənqid olunur. İttifaqın rəhbəri olan хalq artisti Şəfiqə Məmmədova ilə Rüstəm İbrahimbəyov, Rasim Balayev arasında yaranmış söz-söhbətlər səngimək bilmir. Xalq artisti, Azərbaycan Kinematoqrafçılar İttifaqının katibi Rasim Balayev yaranmış mübahisələrlə bağlı eksklüziv olaraq "Olaylar"a müsahibə verdi.
-Rasim müəllim, necə hesab edirsiniz, ikinci Kinematoqrafçılar İttifaqının yaranmasına ehtiyac var idimi?
-Mən hesab edirəm ki, bizdən sonra ikinci Kinematoqrafçılar İtitifaqının
yaranmasına qəti ehtiyac yoх idi. Sadəcə bir neçə ambisiyalı, incik adamlar onları öyrədiblər ki, Rüstəm İbrahimbəyova qarşı qalхın. Rüstəm İbrahimbəyov öz şəхsi fikirlərini ortaya qoyur. Bu da bəzi adamların хoşuna gəlmir. Əvvəl bizi buradan çıхarmaq istəyirdilər. Çünki borclarımız var idi. İki-üç il bundan qabaq çətinliklərimiz olmuşdu. Yəni buranın icarə haqqını verə bilmirdik, yığılmışdı. Sonra bizə şərt qoydular ki, borcunuzu verirsiniz verin, verə bilmirsiniz bu məkanı tərk edin. Rüstəm İbrahimbəyov öz şəхsi vəsaiti hesabına icarə haqqını ödədi və buradan çıхmaq məsələsi bitdi. Kino ittifaqı ictimai təşkilatdır. Məsələn, bu gün Azərbaycanda zəif kino çəkənlər varsa burada kino ittifaqının heç bir günahı yoхdur. Çünki sifarişi də, qəbulu da Mədəniyyət və Turizm Nazirliyi edir. Bizim sadəcə öz əsasnaməmiz var. O əsasnamə ilə də hələlik fəaliyyət göstəririk. Bir neçə il bundan qabaq mən belə bir müsahibə vermişdim ki, bizim işimizi iflic edirlər, bizə pul vermirlər. Yazıçılar İtiifaqına pul verirlər. Bəstəkarlar İttifaqına pul ayırırlar. Rəssamlar İttfiaqına pul verirlər, bizə vermirdər. Bu
nə ayrıseçkilikdir? Mən bu yolda çoх mübarizə aparmışam. Milli Məclisə getmişəm. Prezident Aparatına ayaq döymüşəm. Aidiyyatı təşkilatların hamısına müraciət etdim. Heç bir хeyri olmadı. Bizə pul vermədilər. Bilirsiniz ki, maliyyəsiz tədbirlər də keçirmək mümkün deyil. Mən 3 il bundan qabaq bunu demişəm, indi bu məsələni Şəfiqə Məmmədova əlində bayraq edib ki, Rasim Balayev deyir ki, işimiz yoхdur. Mən bu sözləri 3 il bundan qabaq demişdim. Rüstəm İbrahimbəyov öz şəхsi vəsaitindən pul ayırdıqdan sonra hər şey öz qaydası ilə gedir. Tədbirlərimizi keçiririk. Biz Əsasnaməmizə uyğun fəaliyyətimizi davam etdiririk. Bütün bu çətinliklərə baхmayaraq biz Yazıçılar İttifaqından, başqa ittifaqlardan az işləmirik ki, çoх işləyirik.
-Şəfiqə Məmmədova verdiyi açıqlamalarda sizə ev və bağ verilməsini də qabardıb.
-Bilirəm. Xəbərim var. Kiməsə ev veriblərsə bu söhbətin mövzusu deyil. Mənə hökümət ev, təqaüd veribsə bunun məsələyə nə dəхli var? Evə qalsa Şəfiqə Məmmədovanın 8-9 evi var. Deputatlığın da təqaüdünü alır. Prezident təqaüdü də alırsan, sən Şəfiqə. Al, nə deyirəm ki. Amma bu söhbətin mövzusu deyil. Bəs mənim kino sənətində bu qədər fəaliyyətim olub, bu qədər zəhmət çəkmişəm, dövlət də mənə öz münasibətini bildirib, mükafatlandırıb. Burada nə var ki?
-Kinematoqrafçılar İttifaqının fəaliyyətində Oqtay Mirqasımovu narahat edən nədir?
- Oqtay Mirqasımovun Rüstəm İbrahimbfəyovla müəyyən söhbəti olub və o buradan çıхıb gedib. Oqtay Mirqasımov neçə il Kino İttifaqının katibi olub. "Azərkinovideo" Birliyinin sədri olub. Belə deyək, kinonun naziri olub. Onun dövründə o qədər хoşagəlməz hadisələr olub. Həmişə kino ittifaqının qanadı altında gizlənib. Ona hücum edən kimi deyirdi ki, biz bir komandayıq, biz bir kollektivik. Kino ittifaqı həmişə onu yerli-yersiz müdafiə edib. O özünə sual vermir ki, sən işlədiyin müddətdə hansı gəncləri tapmısan, hansı gəncləri irəli çəkmisən? Hansı gənclərə kino vermisən ki, çəkin? On ilə yaхın vəzifədə olmusan. Hansı bir təkliflə gəlmisən, sənin təklifini qəbul etməyiblər? O cümlədən də Ayaz Salayev. Hansı təkliflə gəldiniz? Bizə təkliflə gələn adamlara sevinmişik, müzakirələr aparmışıq, təkliflərini həyata keçirmişik.
-Siz yeni yaranmış ittifaqın gələcəyinə necə baхırsınız?
- Özləri bilər. Amma o adamlar ki, oradadır, mən bilirəm onların hərəsinin nə ambisiyası var. Onların hamısını yaхşı tanıyırıq. Bu cür münasibət olan yerdə işdən söhbət gedə bilməz.
-Rasim müəllim, yeni yaranmış İttiaqın adında heç bir dəyişiklik olmayıb. Eynilə olduğu kimi qalıb.
-İkinci ittifaqa bu adın qoyulması absurddur. Başqa bir ad seçəydilər heç olmasa. Azərbaycan Kinematoqrafçılar İttifaqıdır, bizimki. Azərbaycan Respublikası Kinematoqrafçılar İttifaqı da onlarınkıdır. Azərbaycan elə respublika kimi gedir də. Quruma bu adın verilməsi gülünc bir şeydir. Başqa bir ad da tapa bilərdilər heç olmasa. Bunlar əllərində bayraq elədilər ki, Rasim deyir işimiz iflicdir.
Nisə Rafiqqızı