Türk Dünyası Köşə Yazarlarının Simpoziumu başlayıb

Türkiyədə Türkiyə Cümhuriyyəti Rabitə Nazirliyinin təşkilatçılığı ilə Türk Dünyası Köşə Yazarlarının  Simpoziumu keçirilir.

Olaylar.az xəbər verir ki, simpoziumda Türk Dövlətləri Təşkilatına üzv olan beş ölkə (Türkiyə, Azərbaycan, Qazaxıstan, Qırğızıstan və Özbəkistan), üç müşahidəçi dövlət (Macarıstan, Türkmənistan və Şimali Kipr Türk Respublikası), mətbuat mənsubları və rəy liderləri iştirak edir.

Xaricdən 35 jurnalistin qatıldığı proqrama Türkiyədən 15 mətbuat mənsubunun qatıldığı bildirilir.

Qeyd edək ki, proqramın ilk günü iştirakçılar Boğaziçi gəmi turundan sonra qala şam yeməyinə qatılıblar. Simpoziumda yazıçı-publisist, "Olaylar" qəzetinin və "Olaylar" İnformasiya Agentliyinin  baş redaktoru  Yunus Oğuz da iştirak edir.