Bəzi insanlar

Həyatda maraqlı məqamlar da var,

Qoyunlar həmişə qurdlardan qorxar.

Amma çox qəribə təzadlar da var,

Qoyun ətin çox vaxt yeyər insanlar.

***     

Düşdüyü vəziyyət olarsa da dar,

Bir-birinin ətin didər insanlar.

Bəlkə də  ən qorxunc varlıqlar ki, var,

Ən dəhşətlisidir, bəzi insanlar.

***    

Birisi ucalıb zirvəyə qalxar,

O biri qıçından tutub saxlayar.

Gücü çatmayanda nifrətlə baxar,

Belə xislətlidir, bəzi insanlar.

Əlibalayeva Gülnarə

Cəfər Cabbarlı ev-muzeyinin böyük elmi-işçisi, jurnalist