Hayıf

Ay insan, nəfsini  pulamı satdın?

Bununla  şərəfi, qeyrəti atdın.

Başdan ayağadək çirkaba batdın,

Sənə vida verən saflığa hayıf.

***

Hər kəsin qəlbini qırıb qanatdın,

Ədalət bilməyib xalqı aldatdın.

Ananı naəlac görüb ağlatdın,

Sənə həyat verən varlığa hayıf.

***

Haqsızlığı gördün, göz yumub yatdın,

Pul hərisliyinlə sən nəyi daddın?

Vicdanına vicdansızlığı qatdın,

Sənə qida verən torpağa hayıf.

   Əlibalayeva Gülnarə

                      Cəfər Cabbarlı ev-muzeyinin böyük elmi-işçisi, jurnalist.