Ümid çırağı

Şərəflə yaşadım mən bu dünyada,

Namusum, qeyrətim qazancım oldu.

Oğul, qız böyütdüm, onlar həyatda,

Qaranlıq dünyamda çırağım oldu.

***

Kədəri gizlədib, sevinci böldüm,

Yoxumu gizlədib, varımı böldüm.

Ac yox, tox bilsin dostum-düşmənim,

Düşünərək daim, ucalıq gördüm.

***

Bəxtəvər sandılar məni düşmənlər,

Məni sevindirdi belə "hörmətlər".

Nadan, cahillər ki, qanan deyillər,

Tənhalıq xiffətin hardan bilsinlər?

***

Həyat keşməkeşli, həyat alışqan,

Mən də öyrəşmişəm olum çalışqan.

Tanrım dəyər verər şükr edənlərə,

Mən də taleyimlə oldum barışqan.

***

Ümidlə yaşasan, xeyir taparsan,

Ümidlər son ucda puç olub, gedər.

Ümid şöləsindən nur alan insan,

Gələcək uğura tuş olub gedər.

     Əlibalayeva Gülnarə

                                      Cəfər Cabbarlı ev-muzeyinin böyük elmi-işçisi, jurnalist.