DƏYİŞMƏZ

"Göz ürəyin aynasıdır"- deyiblər,

Duyğular onları dəyişə bilməz.

Duyğular nə qədər təmiz olsa da,

Göz ürəkdən su içər, yenə dəyişməz.

***

Körpə uşaq ğöz götürməz, deyiblər,

Gözmuncuğu təsirini dəyişməz.

Dilin demədiyin gözlər deyiblər,

Dil sussa da, göz mənasın dəyişməz.

***                                  

Gözəl gözlər gözəl görüb, seçiblər,

Çirkin əməl fikirlərin dəyişməz.

Gözəl görüb, gözəl seçib, seviblər,

Sadiq gözlər baxışların dəyişməz.

***

"Göz görməsə, könül sevməz"- deyiblər,

Göz dəyməsə, sözlər qəlbi dəyişməz.

"Gözdən uzaq, qəlbdən iraq"- görüblər,

Göz görməsə, üz utanıb dəyişməz.

***

"Parlaq günəş şölə saçar"- deyiblər,

Qədirbilən dərgahını dəyişməz.

"Nur Tanrının bəxşişidir" - deyiblər,

Şükran olan qibləgahın dəyişməz.

Əlibalayeva Gülnarə

Cəfər Cabbarlı ev-muzeyinin böyük elmi-işçisi, jurnalist.