Sadıq Qurban oğlunun “Sahilsiz Təzadlar” romanı Moskvada rus dilində nəşr edilib-FOTO

Azərbaycan Yazıçılar Birliyinin, Rusiya Yazıçılar İttifaqının üzvü, "Qızıl kəlmə" mükafatçısı, Prezident təqadüçüsü qarayev Sadıq Qurban oğlunun "Sahilsiz Təzadlar" romanı Moskvada rus dilində nəşr edildi.
Elmi, fəlsəfi, dedektiv janrda yazılmış iri həcmli ( 650 s) bu kitabın xarici dildə nəşri müstəqillik dövrü ədəbiyyatımız üçün nadir və faydalı hadisədir.
Kitaba Azərbaycandan Akademik İsa Həbibbəyli ön söz, mərhum görkəmli alimimiz Telman Əliyev rəy, Rusiyadan Tibb elmləri doktoru, Professor Seyfəddin Mərdanlı  və Professor Vladimir Pomazanov Roman haqqında öz fəlsəfi düşüncələrini yazıbıdırlar. 
 2014-cü ildə nəşr edilmiş Sahilsiz Təzadlar romanında bir sıra elmi-fəlsəfi ideyaları ilə yanaşı, azərbaycançılıq məfkurəsi, torpaqlarımızın azad edilməsi. Şuşanın beynalxalq mədəniyyət və elm mərkəzinə çevrilməsi, sürətli bərpa işlərinin aparılması mülahizələri də öz əksini tapıb, hansı ki indi xalq-ordu-dövlətin birliyindən yaranan "dəmir yumruq" sayəsində gerçəkləşib.
 Kitabın redaktorları: Dilarə Məmmədova (filo.üzr.f.d., dosent)
                                             Azər Elşadoğlu
                                              Esmira Fərəcova
                       Rəssam:         Vasif Səftərov
                       Dizayner:      Nəzrin Qarayeva
                       Rus dilinə tərcümə edən: Leyla Qədirzadə.