Niderlandda “Nizami Gəncəvi” kitabının təqdimatı keçirilib
Niderland Krallığının Haaqa şəhərində Almaniyada yaşayan azərbaycanlı şair- yazar Orhan Arasın "Nizami Gəncəvi" kitabının təqdimat mərasimi keçirilib. "OLAYLAR" xəbər verir ki, Haaqa şəhərində fəaliyyət göstərən Niderland-Azərbaycan Türk Kültür Dərnəyinin təşkilatçısı olduğu mərasimə ev sahibliyini şəhərin Transval kitabxanası edib.
Açılış sözü ilə dərnəyin sədri İlhan Aşqın qonaqları salamlayıb və kitab haqqında ətraflı məlumat vermək üçün müəllif Orhan Arazı kürsüyə dəvət edib. Müəllif Nizami Gəncəvinin ölməz yaradıcılığı haqqında qısaca məlumat verdikdən sonra kitabın yazılma tarixçəsi, Nizamı yaradıcılığının aktuallığı, həmçinin Holland- Türk dilində olan kitabın məhz Niderland Krallığında nəşrinin əhəmiyyətindən danışıb. Sonra Sima Cəfərova, Ofelya Mehdiyeva və Yusif Can Nizami Gəncəvinin şerlərini söyləyiblər.
Mərasimdə iştirak edən rəsmi qonaqlar arasında Azərbaycanın Niderland Krallığındakı səfirinin 1-ci müavini Səbinə Sadıxova, Türkiyə səfiliyinin nümayəndəsi Ozan Can Gümüş bəy, Azerbaycandan xüsusi dəvətlə gəlmiş Azərbaycan Dillər Universitetinin dosenti Həqiqət Hacıyeva, Azərbaycan, Türk təşkilatları ve hollandiyalı dostlar da iştirak edib.
Mərasimdə sözləri Nizami Gəncəviyə aid olan musiqi parçaları səsləndirilib və iştirakçılar tərəfindən böyük alqışlarla qarşılanıb.
Məclisin sonunda Niderland-Azərbaycan Türk Kültür Dərnəyinin sədri İlhan Aşqın və xüsusi dəvətlə Azərbaycandan gəlmiş qonaq Həqiqət Hacıyeva bəzi qonaqlara və dərnək üzvlərinə xüsusi təşəkkürnamələr təqdim ediblər. Qonaq Həqiqət Hacıyeva Azərbaycan Respublikası Beynəlmiləlçi Əlil Döyüşçülər Fondunun Prezidenti Sərraf Orucovun adından 44 günlük müharibə zamanı əlil olmuş qazilərimizə maddi, mənəvi dəstəklərinə görə təşəkkürnamələr təqdim edib.Təşəkkürnaməyə layiq görülən şəxslərin diaspora fəaliyyəti və müharibə qazilərinə göstərilən yardım işlərindəki köməyi qonaqların nəzərinə çatdırılıb. Təşəkkürnamə alanlar arasında Orhan Aras, "Kros Medical" şirkətinin müdürü Ron Gelzelle, İlhan Askin, Aydəmir Çətin, İmam Əfəndiyev, Mehman Haqverdiyev, İrfan Parlar, Müşviq Mikayıl, İmdat Sakruca, Həqiqət Hacıyeva olublar.
Süleyman İsmayılbəyli