Ermənilərin Azərbaycan xalqının mədəni irsinə vurduğu ziyandan bəhs edən videoçarx hazırlanıb

Azərbaycan Diasporuna Dəstək Fondunun maliyyə dəstəyi və "Azerbaijan Society Team"in təşkilatçılığı ilə "What Armenians did in Karabakh?" adlı videoçarx hazırlanıb.

Olaylar.az "AzərTac"a istinadən xəbər verir ki, Azərbaycan Diasporuna Dəstək Fondunun maliyyə dəstəyi və Almaniyanın Bremen şəhərində fəaliyyət göstərən "Azerbaijan Society Team"in təşkilatçılığı ilə Qarabağ həqiqətlərinin bütün dünyaya çatdırılması məqsədilə "What Armenians did in Karabakh?" adlı videoçarx ərsəyə gətirilib.

Videoçarxda ermənilərin Şuşa, Zəngilan, Qubadlı, Ağdam məscidlərində və ümumən Qarabağdakı mədəni irs nümunələrimizə vurduğu ziyan, törətdikləri ekoloji terror və tarixi saxtalaşdırmaq cəhdləri faktlarla işıqlandırılaraq dünya ictimaiyyətinə çatdırılıb.