Yunus Oğuz "Kitab toplama kampaniyası"na 300 kitab hədiyyə etdi

Mirzə Fətəli Axundov adına Azərbaycan Milli Kitabxanası və Mədəniyyət Nazirliynin təşəbbüsü  ilə işğaldan azad edilən rayonlarda ermənilər tərəfindən dağıdılan  kitabxanaların kitab fondlarının bərpası ilə əlaqədar "Kitab toplama kampaniyası" davam edir

Olaylar.az xəbər verir ki, bu kampaniyaya qoşulan  tarixi romanlar  müəllifi, yazıçı-publisist Yunus Oğuz müəllifi olduğu   kitablardan 300-nü  hədiyyə  edib. Milli Kitabxananın direktoru, professor   Kərim  Tahirov    bu təşəbbüsə qoşulduğuna görə Yunus Oğuza minnətdarlığını bildirib.

Yunus Oğuz da öz növbəsində hər kəsi bu kampaniyaya qoşulmağa dəvət edib. "Düşünürəm ki,  bu gözəl kampaniyaya Azərbaycan ziyalıları, yazıçıları, bütövlükdə Yazıçılar Birliyi  qoşulacaq. Qarabağ  üçün göstərilən bu  təşəbbüs çox dəyərlidir. Bizə çox əziz olan şəhərlərimizin bərpasından sonra orada yaşayan insanların kitab oxuması  üçün  kitablar toplanır. Çox yaxın zamanda biz bu kitabları orada görəcəyik. Mən hər kəsi bu təşəbbüsə  qoşulmağa çağırırıram"- deyə o, qeyd edib.