Tovuzda və Qazaxda eyvan konsertləri keçirilib

Ağstafa Regional Mədəniyyət İdarəsi  sosial izolyasioya qaydalarının tətbiq olunduğu karantin günlərində əhalinin səmərəli istirahətini  təmin etmək məqsədilə silsilə tədbirlərini davam etdirir.

Olaylar.az bildirir ki, idarənin əhatə etdiyi Tovuz və Qazax rayonlarında çoxmərtəbəli yaşayış binalarında "Musiqili Eyvan" adlı bir-birindən maraqlı eyvan konsertləri  baş tutub. Tovuzda Mədəniyyət Mərkəzi və Aşıq Əsəd Rzayev adına Uşaq Musiqi Məktəbinin, Qazaxda həmçinin, Mədəniyyət Mərkəzi və 1 saylı  Uşaq Musiqi Məktəbinin birgə təşkilatçılığı ilə keçirilən konsert proqramları bina sakinləri  tərəfindən maraqla qarşılanıb. Səsləndirilən ifalar öz eyvanlarından konserti dinləyənlərin zövqünü oxşayıb, onlara maraqlı anlar bəxş edib.