Sovet dövrünə aid xalça və tikmələri sərgilənəcək

Sovet dövrünə aid xalça və tikmələri sərgilənəcək

Moskvada, Dövlət Şərq Muzeyində "Sovet Azərbaycanının əks-sədası. Xalça. Tikmə. Plakat" adlı sərgi açılacaq.

Sovet illərinin Azərbaycan xalçaları və tikmələrinə fevralın 5-dən martın 1-dək tamaşa etmək mümkün olacaq.

"Ekspozisiyada əlamətdar tarixi hadisələrin dekorativ-tətbiqi sənətə necə təsir etməsi barədə danışılır", - deyə məlumatda bildirilir.

Qeyd olunur ki, 40 eksponatı özündə birləşdirən sərgidə Azərbaycan Milli Xalça Muzeyinin kolleksiyasına daxil edilən, 1920-1970-ci illərə aid xalçalar təqdim edilir.

Bundan başqa, muzeyə gələnlər Mərcani Fondundan olan plakatları, 1920-1930-cu illərə aid, inqilab dövrünün tikmələrini görə bilərlər.