Parisdə azərbaycanlı dirijorun rəhbərliyi ilə konsert təşkil edilib

18 Noyabr 2019 11:31 Mədəniyyət

Parisin 4-cü rayonunun Müqəddəs Lüdoviq kilsəsində Azərbaycanın Əməkdar artisti, beynəlxalq müsabiqələr laureatı, Azərbaycan Dövlət Akademik Opera və Balet Teatrının baş dirijoru və musiqi rəhbəri Əyyub Quliyev və tanınmış fransız dirijoru Salvitri de Rochefortun rəhbərliyi ilə "Zoroastr" ansamblının konserti olub.

Olaylar.az bildirir ki, onsertin əvvəlində Paris Vokal Ansamblı Assosiasiyasının sədri və "Zoroastr" ansamblının sponsoru Jerar Pedraglio Azərbaycan, onun tarixi və coğrafiyası, eləcə də Əyyub Quliyev və onun fəaliyyəti haqqında ətraflı məlumat verib.

İki hissədən ibarət konsertdə İohan Sebastyan Bax və Volfqanq Amadey Motsartın əsərləri səsləndirilib.

Qeyd edək ki, "Zoroastr" ansamblının repertuarına daha çox XVIII əsr və XIX əsrin birinci yarısında yazılmış musiqi əsərləri daxildir. Ansamblda müxtəlif xalqları təmsil edən ifaçılar yer alıb.

Təklifinizi, şikayətinizi bizə yazın. Sizi dinlərik. 055 634 88 31