"Eurovision" qalibi: "Bakını sevirəm!"

Linda Martin yenidən bu səhnəyə qayıtmağı istisna etmir. 57-ci Eurovision Mahnı Müsabiqəsi ərəfəsində şəhərimizə gələn çoxsaylı qonaqlar sırasında Avropanın bu nüfuzlu şousunun 1992-ci ildəki qalibi Linda Martin də vardı. İrlandiya nümayəndə heyəti ilə birlikdə şəhərimizdə olan Linda Bakıdakı iki həftə ərzində milli mətbəximizlə, tarixi-memarlıq abidələrimiz, o cümlədən qədim İçərişəhərlə tanışlıq fürsəti qazandı. O, Eurovision Mahnı Müsabiqəsi səhnəsinə yenidən qayıtmağı da nəzərdən keçirir. "Mister Eurovision" ləqəbli Johnny Loganın "Why me?" mahnısı ilə 1992-ci ildə qalib olan Linda Martin bəstəkardan yeni kompozisiya təklifi gözləyir. Müğənni Bakı şousu və paytaxtımıza səfərlə bağlı təəssüratlarını eurovision.az saytında paylaşır.