Muğam Mərkəzində “Dastan gecələri” davam edir
Beynəlxalq Muğam Mərkəzində “Dastan gecələri” layihəsi çərçivəsində “Küçə Rza” dastanı təqdim olunub. Olaylar.az bildirir ki, layihə Beynəlxalq Muğam Mərkəzinin təşəbbüsü, Beynəlxalq Muğam Mərkəzinin və Azərbaycan Milli Elmlər Akademiyasının Folklor İnstitutunun birgə təşkilatçılığı ilə həyata keçirilir. Tədbirdə filologiya üzrə fəlsəfə doktoru, Əməkdar mədəniyyət işçisi Elxan Məmmədli çıxış edib.
Beynəlxalq Muğam Mərkəzində "Dastan gecələri" layihəsi çərçivəsində "Küçə Rza" dastanı təqdim olunub. Olaylar.az bildirir ki, layihə Beynəlxalq Muğam Mərkəzinin təşəbbüsü, Beynəlxalq Muğam Mərkəzinin və Azərbaycan Milli Elmlər Akademiyasının Folklor İnstitutunun birgə təşkilatçılığı ilə həyata keçirilir.
Tədbirdə filologiya üzrə fəlsəfə doktoru, Əməkdar mədəniyyət işçisi Elxan Məmmədli çıxış edib.
Daha sonra Şirvan aşıqlar birliyinin rəhbəri, Əməkdar mədəniyyət işçisi aşıq Ağamurad Şirvanlının ifasında "Küçə Rza" dastanı tamaşaçılara təqdim olunub. Ağamurad Şirvalını balabanda Əbilxan Şirvanlı, nağarada Hünər Şahalıyev, qoşa-nağarada Zəfər Şahalıyev, qarmonda Nurşirəvan Şahalıyev müşayiət ediblər.
Qeyd edək ki, Beynəlxalq Muğam Mərkəzi özünün yeni irimiqyaslı "Dastan gecələri" adlı layihəsində öz fəaliyyətini daha da genişləndirir və xalq poeziyasına müraciət edir. Şifahi xalq yaradıcılığının ən önəmli nümunələrindən olan aşıq yaradıcılığı özündə aşıq musiqisi ilə bərabər şifahi poeziya nümunələrini də birləşdirir.
