Yeraltı fayton yolu aşkarlandı

Gəncədə aparılan qazıntı işləri zamanı yeraltı fayton yolları aşkarlanıb. Şəhər ictimaiyyəti nümayəndələrinin çoxsaylı müraciətlərini nəzərə alan Gəncə Şəhər İcra Hakimiyyəti bu yolların bərpa edilməsi barədə qərar qəbul edib. Şəhər İcra Hakimiyyətindən verilən məlumata görə, bərpa zamanı müasir texnologiyalardan istifadə olunacaq, elektron turizm formatında naviqasiya sistemləri ilə yolları sona qədər müşahidə etmək olacaq. Son qərara görə, bir neçə kilometr uzunluğunda olan və yararsız hala düşmüş yolun əvvəlcə bir hissəsi bərpa ediləcək və muzey kimi turist marşrutuna salınacaq.