Şahin Növrəsli Çexiya prezidentinin dəvəti ilə Praqada konsert verəcək

Əməkdar artist, pianoçu Şahin Növrəsli mayın 30-da Çexiyanın paytaxtı Praqada konsert proqramı ilə çıxış edəcək. Gün.Az-ın verdiyi xəbərə görə, konsert Çexiya hökumətinin, Azərbaycanın Çexiyadakı səfirliyinin və "Buta" İncəsənət Mərkəzinin təşəbbüsü ilə həyata keçirilir. Konsert Praqa Qəsrində (Prague Castle) baş tutacaq və "Qəsrdə Caz" (Jazz in the Castle) adlı layihənin tərkib hissəsidir. Kvartetdə Şahin Növrəsli (royal), Neytan Pek (kontrabas), Aleksandr Maşin (zərb alətləri) və Kris Heminqvey (saksofon) iştirak edirlər.
Konsert proqramına müəllif bəstələri, həmçinin Azərbaycan klassik və xalq musiqi əsərlərinə caz improvizasiyaları daxildir.