Bakıda "Eurovision" təmsilçisinə evlilik təklifi

İvi Adamou jurnalistin evlilik təklifini zarafatla müsbət cavablandırıb. Kipr təmsilçisi İvi Adamou "Eurovision" Mahnı Müsabiqəsi 2012-nin yarımfinalından sonra təşkil olunan mətbuat konfransında gözlənilməz sualla qarşılaşıb. Rusiyalı jurnalist müğənniyə sevgi elan edərək "Mənimlə evlənərsinizmi?" sualını verib. "Eurovision" Mahnı Müsabiqəsini işıqlandırmaq məqsədilə Azərbaycana gələn telejurnalist İvini Hollivud ulduzları ilə müqayisə edərək, ona filmlərdə çəkilməyi də məsləhət görüb. Hətta onu Stiven Spilberq, Nikita Mixalkov, Roman Polanski kimi dünyaşöhrətli rejissorların filmində təsəvvür etdiyini deyib. İvi Adamou jurnalistin evlilik təklifini zarafatla müsbət cavablandırıb.