"Yahşi Cazibe" başa çatır

Prodüseri Əli Gündoğdu, ssenari müəllifi isə Gani Müjde olan populyar "Yahşi Cazibe" teleserialı bu mövsüm başa çatacaq.Milli.Az "Milliyət"ə itsinadən bildirir ki, populyar aktyorlar Hakan Yılmaz, Aslıhan Gürbüz və Hande Katipoğlunun oynadıqları "Yahşi Cazibe" 2010-cu ildə nümayiş edilməyə başlanmışdı.Teleserialın başa çatması qərarının əsas səbəbi isə orada rol almış aktyorların başqa seriallarda oynamaq istəyidir.Serialın baş rol oyunçusu Hakan Yılmaz deyib: "Artıq "Yahşi Cazibe"nin son seriyasını çəkirik. Bu uzun marafonda çox əyləndik. Texniki heyətə təşəkkür edirəm".
Serialın 93-cü seriyası onun sonu olacaq.