Azərin TÜRKSAV-ın mükafatına layiq görülüb

Müğənni Azərin Türk Dünyası Yazarlar və Sənətçilər Vəqfinin (TÜRKSAV) təsis etdiyi mükafatın builki laureatlarından biri seçilib. Gün.Az Türkiyənin "Anadolu" İnformasiya Agentliyinə istinadən xəbər verir ki, 6 ölkədən 13 qurum və fərd  TÜRKSAV-ın 16-cı dəfə təqdim edəcəyi "Türk dünyasına xidmət" mükafatının laureatı seçilib. Məlumata görə, TÜRKSAV-ın mükafatlandırma mərasimi mayın 18-də Makedoniyanın paytaxtı Skopyedə keçiriləcək. Mərasimdə Türkiyə Böyük Millət Məclisinin (TBMM) sədri Cəmil Çiçək və Makedoniya parlamentinin sədri Trayko Velyanovski də iştirak edəcək.