“Eurovision” qonaqları şəkərbura və paxlavaya heyran qaldılar

"Eurovision 2012" Mahnı Müsabiqəsində iştirak etmək üçün Azərbaycana gələn əcnəbilər Azərbaycan mətbəxinə heyran qalıblar. Lent.az-ın məlumatına görə, artıq 3 gündür ki, "Bakı Kristal Zalı"nın Mətbuat Mərkəzində fəaliyyət göstərən yerli və xarici media nümayəndələrinə Azərbaycan mətbəxinin şirniyyatları təqdim olunub.Jurnalistlər "Çuda Peçka"nın təqdim etdiyi paxlava, şəkərbura və badamburadan pulsuz olaraq dada bilirlər.Əcnəbi jurnalistlər paxlava və şəkərburanı çox sevdiklərini deyiblər.