Can Bonomonun məşqində hay-küy qopdu

Menecer xanım səhnədəki quyuya düşüb

Türkiyənin "Eurovision 2012" təmsilçisi Can Bonomo "Bakı Kristal Zalı"nda ilk məşqini edib. Lent.az-ın xəbərinə görə, təmsilçinin ilk məşqi zamanı problem yaşanıb. Belə ki, məşqdən sonra Türkiyə nümayəndə heyətindəki qadın menecerlərdən biri Bonomoya yaxınlaşarkən səhnədə quraşdırılmış quyuya düşüb. Menecer yumşaq yerə düşdüyü üçün heç bir zədə almayıb. Nümayəndə heyəti bundan narahatçılıq keçirib. Yıxılan qadının ətrafına toplaşanlar onu pilləkənlə çıxartmağa müvəffəq olublar. Özünü itirməyən menecer onu izləyənlərə əl edərək, gülümsəyib.