Rəşid Behbudovun heykəli ucaldılacaq

Prezident İlham Əliyevin sərəncamı ilə yaxın bir il ərzində dahi Azərbaycan müğənnisi, xalq artisti Rəşid Behbudovun adını daşıyan küçədə mərhumun heykəli ucaldılacaq. SİA-nın məlumatına görə, bunu mədəniyyət və turizm naziri Əbülfəs Qarayev deyib.
Onun sözlərinə görə, Rəşid Behbudov küçəsində xalq artistinin adını daşıyan 2 saylı onbirillik musiqi məktəbi və Mahnı Teatrı yerləşir: "Bununla yanaşı, bu küçədə həmçinin yaxın zamanlarda onun heykəli də ucaldılacaq".