Otellər ucuzlaşır

Müzəffər Ağakərimov: «Otellərin sayının artması qiymətlərə də təsir edir»

Ölkədə fəaliyyət göstərən otellərin qiymətlərində ötən illərlə müqayisədə azalma müşahidə olunur. Azərbaycan Turizm Assosiasiyası sədrinin müşaviri Müzəffər Ağakərimov "OLAYLAR"a qiymətlərin münasib olduğunu bildirib: "Qiymətlərdə getdikcə azalma müşahidə olunur. Bakıda və regionlarda yeni otellər istifadəyə verilir ki, bu da rəqabətin yaranmasına səbəb olur. Rəqabətin yaranması isə qiymətlərdə də özünü göstərir. Əvvəlki illərlə müqayisədə qiymətlər aşağı düşüb. Tutaq ki, əvvəlki illərdə rayon  mehmanхanalarında yaşayış üçün nəzərdə tutulan nömrənin qiyməti  60 manat idisə, indi 40 manat olub. Amma Bakıda qiymətlərin hansı vəziyyətdə olduğu yay fəslində daha yaхşı bilinəcək".