EBU “Eurovision-2012” mahnı müsabiqəsinin boykot edilməsi barədə çağırışları “zərərli çağırışlar” adlandırıb

Avropa Yayımları Birliyinin (EBU) baş direktoru xanım İnqrid Deltenre Almaniya Bundestaqının deputatı Ştrasserin bu il mayın axırlarında Bakıda keçiriləcək "Eurovision-2012" mahnı müsabiqəsini boykot etməyə çağırışını "zərərli" hesab etdiyini bildirib.APA-nın AzərTAc-a istinadən yaydığı məlumata görə, xanım İnqrid Deltenre belə bir addımın atılmasını düzgün saymayıb: "Bu, böyük səhv olardı". İnqrid Deltenre bu fikri Cenevrədə Azərbaycan nümayəndə heyətinin səfərinin və burada keçirilmiş Azərbaycanda mətbuat azadlığı mövzusunda seminarın yekunlarına həsr edilmiş mətbuat konfransında söyləyib.