Kriminal
Taleh Bağırov, Fuad Qəhrəmanlı və digərlərinin məhkəməsi təxirə salınıb
Bakı Ağır Cinayətlər Məhkəməsində Nardaran hadisələrinə görə, həbs edilən “Müsəlman Birliyi” adlı təşkilatın sədri Taleh Bağırov, Azərbaycan Xalq Cəbhəsi Partiyası (AXCP) sədrinin müavini Fuad Qəhrəmanlı və başqa 16 nəfər - Rasim Mirzə Baba oğlu Cəbrayılov, Zakir Tapdıq oğlu Mustafayev, Cabbar Əmirxan oğlu Cabbarov, Cahad Bala Hüseyn oğlu Babakişizadə, Şamil Adil oğlu Abduləliyev, Aqil Azər oğlu İsmayılov, Ramin Məhərrəm oğlu Yariyev, Abbas Əbdülrəhman oğlu Quliyev, İbrahim Məmməd oğlu Xudaverdiyev, Etibar Rasim oğlu İsmayılov, Bəhruz Rahib oğlu Əskərov, Əli Həsrət oğlu Nuriyev, Əlibala Cavad oğlu Vəliyev, Fərhad Nəsrəddin oğlu Balayev, Abbas Hafiz oğlu Tağızadə və Abbas Məmmədbağır oğlu Hüseynovun cinayət işi üzrə bu gün davam etdirilməli olan proses təxirə salınıb.
Müğənni Manaf Ağayev Akif Çovdarovun işində adı keçən şəxsin məhkəməsində ifadə verəcək
Bu gün Bakı Ağır Cinayətlər Məhkəməsində dələduzluqda təqsirləndirilən “Real MTK”-nın təsisçisi və rəhbəri İlham Qasımovun cinayət işi üzrə məhkəmə prosesi davam edib.
Şərti azadlığa buraxılan şəxs prokurorun şikayəti əsasında yenidən həbs edilib
Bakı Apellyasiya Məhkəməsində qaçaqmalçılıq və qanunsuz olaraq narkotik vasitə əldə edib saxlamaqda təqsirləndirilən İbrahim Şükürov barəsində olan məhkəmə qərarından prokurorun verdiyi apellyasiya protestinə baxılıb.
Keçmiş polis rəisinin arvadının məhkəməsində ara qarışdı
Bu gün Bakı Ağır Cinayətlər Məhkəməsində dələduzluqda və rəsmi sənədləri saxtalaşdırmaqda təqsirləndirilən Leyla Əkbərovanın cinayət işi üzrə məhkəmə prosesi davam etdirilib.
Səhmdar Cəmiyyətdən pul oğurlayan ələ keçdi
Nərimanov rayonunda oğurluğun üstü iki aydan sonra açılıb. DİN-dən verilən məlumata görə, Nərimanov RPİ 17-ci PB əməkdaşlarının həyata keçirdikləri əməliyyat-axtarış tədbirləri nəticəsində cari il iyulun 18-də “Bakı Elektrik Tökmə” ASC-nin inzibati binasından 1804 manat pul, 72.100 manat dəyərində alüminium metal hissələri və müşahidə kameralarını oğurlamaqda şübhəli bilinən şəxs müəyyən edilib. Ağdam rayon sakini Mais İbadov şübhəli şəxs qismində tutulub.
Sumqayıt sakinindən 2 kq marixuana götürülüb
Sumqayıt sakinindən xeyli miqdarda narkotik vasitə gətürülüb. DİN-dən verilən məlumata görə, ŞPİ 4-cü PB əməkdaşlarının həyata keçirdikləri əməliyyat-axtarış tədbirləri nəticəsində Kimyaçılar qəsəbə sakini İlqar Baxşıyevdən 2 kiloqram 60 qram marixuana götürülüb. Ətrafında aparılan əməmliyyat tədbirləri nəticəsində onun əvvəllər məhkum olunduğu müəyyn edilib.
Oğurluqla məşğul olan 2 şəxs saxlanıb
DİN-dən verilən məlumata görə, Şirvan ŞPŞ əməkdaşlarının həyata keçirdikləri əməliyyat-axtarış tədbirləri nəticəsində sentyabrın 27-də şəhər sakini Şamil Məhərrəmova məxsus evdən 1000 manat pul və məişət əşyaları oğurlamaqda şübhəli bilinən Cavid Paşayev tutulub. Həmçinin Abşeron RPİ əməkdaşlarının həyata keçirdikləri əməliyyat-axtarış tədbirləri nəticəsində sentyabrın 23-də rayon sakini Tələt Ağaəhmədova məxsus mağazadan 200 manat pul oğurlamaqda şübhəli bilinən Xırdalan şəhər sakini Heydər Muradov tutulub. Hər iki faktla bağlı araşdırma aparılır.
Mağazanı qarət edən şəxs yaxalanıb
Abşeron rayonunda baş vermiş oğurluq faktının üstü açılıb. DİN-dən verilən məlumata görə, Abşeron RPİ əməkdaşlarının həyata keçirdikləri əməliyyat-axtarış tədbirləri nəticəsində cari il iyulun 20-də rayon sakini Fikrət İsmayılova məxsus mağazadan 690 manat pul və 4 ədəd müşahidə kamerası, habelə orada quraşdırılmış “E-manat” ödəmə aparatından 512 manat pul oğurlamaqda şübhəli bilinən həmyerlisi Əflatun Bəhramov tutulub. Araşdırma aparılır.
Polis Nardaranda əməliyyat keçirdi
Nardaran qəsəbəsində daha bir əməliyyat keçirilib. Trend Daxili İşlər Nazirliyinin saytına istinadən xəbər verir ki, Sabunçu rayon Polis İdarəsi 42-ci Polis bölməsi və Daxili Qoşunlar Baş İdarəsi əməkdaşlarının həyata keçirdikləri əməliyyat-axtarış tədbirləri nəticəsində Nardaran qəsəbə sakini Ağasalam Ağarzayevin evinə baxış zamanı oradan “F-1” qumbarası aşkar edilərək götürülüb.
"Nardaran işi": Şahidi təhqir edən təqsirləndirilən şəxs zaldan çıxarılıb
Bu gün Bakı Ağır Cinayətlər Məhkəməsində Taleh Bağırov, Fuad Qəhrəmanlı və digərlərinin cinayət işi üzrə məhkəmə prosesi davam etdirilib.
Prokuror azərbaycanlı İŞİD-çiyə 14 il həbs cəzası istədi
Bu gün Bakı Ağır Cinayətlər Məhkəməsində Suriyada silahlı qruplaşmaların tərkibində döyüşməkdə təqsirləndirilən Zöhrab Məmmədovun cinayət işi üzrə məhkəmə prosesi davam etdirilib.
Ölkəyə qanunsuz yolla siqaret gətirilməsinin qarşısı alınıb
Naxçıvan-Bakı aviareysinin sərnişinlərini qarşılayan Azərbaycan vətəndaşı əməliyyat məlumatı əsasında, Hava Nəqliyyatında Baş Gömrük İdarəsinin Gömrük hüquqpozmalarına qarşı mübarizə şöbəsinin əməkdaşları tərəfindən nəzarətə götürülüb. Gömrük Komitəsindən verilən məlumata görə, həmin şəxs hava limanının dayanacağında gömrük əməkdaşları tərəfindən saxlanılıb və ona məxsus 3 ədəd sellofan paket yoxlanılıb. Yoxlama zamanı, Azərbaycan Respublikasının aksiz markası ilə markalanmayan 16.000 ədəd “Gold Marlboro EDGE” markalı siqaret aşkar edilib.
Nərdivandan yıxılıb öldü
İsmayıllı şəhərində bədbəxt hadisə baş verib.DİN-dən verilən məlumata görə, İsmayıllı şəhər sakini Mehdi Mehdiyev Tircan kəndindəki evlərdən birində təmir işləri apararkən nərdivandan yıxılaraq ölüb. Araşdırma aparılır.
Ev sahibi qonağı bıçaqladı
Daşkəsən rayonunda bıçaqlama hadisəsi qeydə alınıb. DİN-dən verilən məlumata görə, sentyabrın 27-də Daşkəsən rayonunun Əmirvar kəndində yaşayan Ərəstun Zeynalovun evində həmkəndlisi İsmixan Bayramov bıçaqla xəsarət yetirib. Daşkəsən RPŞ əməkdaşlarının həyata keçirdikləri əməliyyat-axtarış tədbirləri nəticəsində İ.Bayramov tutulub. İlkin məlumata görə, hadisə münaqişə zəminidə baş verib.
Gəncədə soyğunçular ələ keçib
Gəncədə soyğunçuluq hadisəsi baş verib. DİN-dən verilən məlumata görə, Kəpəz RPİ əməkdaşlarının həyata keçirdikləri əməliyyat-axtarış tədbirləri nəticəsində cari il martın 13-də Gəncə şəhər sakini Fəxri Qocayevin 200 manat pulunu və mobil telefonunu soyğunçuluq yolu ilə almaqda şübhəli bilinən həmyerliləri Kazbek Bulekbayev və İkram Bayramov tutulublar. Araşdırma aparılır.