Kriminal
Maşın qaçıran dəstə ifşa olunub
Oktyabrın 17-də Abşeron rayonu ərazisindən qaçırılmış Nicat İbrahimova məxsus “VAZ-2107” markalı avtomobil oktyabrın 22-də Xəzər rayonunun ərazisində tapılıb. DİN-dən verilən məlumata görə, Xəzər RPİ və Abşeron RPİ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Binə qəsəbə sakinləri Həsən Hüseynov, Zeynal Hüseynov, Ceyhun Əlihümbətov və Şahbuz rayon sakini Toğrul Nəsirli tutulublar. Onların daha 6 nəfərə məxsus avtomobillərdən pul və akkumulyator oğurlamaları da müəyyən edilib.
Silahı könüllü olaraq polisə təhvil verib
Türkan qəsəbə sakini odlu silahı polisə təhvil verib. DİN-dən verilən məlumata görə, qəsəbə sakini Nazim Mirzəyev nömrəsi silinmiş “Makarov” markalı tapançanı, 1 ədəd patron darağını və 7 ədəd patronu könüllü olaraq Xəzər RPİ 1-ci PB-yə təhvil verib.
Avtoqəzada bir nəfər ölüb, biri yaralanıb
Oktyabrın 23-də saat 20 radələrində Gədəbəy rayonunun Slavyanka kəndində Gəncə şəhər sakini İlham Quliyevin idarə etdiyi “Mitsubishi” və Şəmkir rayon sakini Vüqar Əzizovun idarə etdiyi “VAZ-21214” markalı avtomobillər toqquşublar. DİN-dən verilən məlumata görə, nəticədə V.Əzizovun sərnişini, Şəmkir rayon sakini Əli Əzizov hadisə yerində ölmüş, özü isə xəstəxanaya yerləşdirilib. Faktla bağlı Gədəbəy RPŞ tərəfindən araşdırma aparılır.
Gəncə sakini 2 nəfəri bıçaqlayıb
Gəncə şəhərində bıçaqlama hadisəsi qeydə alınıb. DİN-dən verilən məlumata görə, Kəpəz RPİ əməkdaşlarının həyata keçirdikləri əməliyyat-axtarış tədbirləri nəticəsində oktyabrın 22-də Abdulla Paşayevə və Şakir Kərimova bıçaqla xəsarət yetirməklə sağlamlıqlarına ağır zərər vurmuş Gəncə şəhər sakini Məcid Süleymanov tutulub. Faktla bağlı araşdırma aoparılır.
Bakı sakinini bıçaqlayıb aradan çıxan şəxs yaxalanıb
Bakı şəhərində bıçaqlama hadisəsi baş verib. DİN-dən verilən məlumata görə, RPİ 41-ci PB əməkdaşlarının həyata keçirdikləri əməliyyat-axtarış tədbirləri nəticəsində oktyabrın 14-də Bakı şəhər sakini Tural Cəbiyevə bıçaqla xəsarət yetirməklə sağlamlığına ağır zərər vurmuş Siyəzən rayon sakini Vasif Məmmədov tutulub. Faktla bağlı araşdırma aparılır.
"Nardaran işi"ndə şahidlərin məhkəməyə məcburi gətirilməsinə qərar verilib
Bu gün Bakı Ağır Cinayətlər Məhkəməsində Taleh Bağırov, Fuad Qəhrəmanlı və digərlərinin cinayət işi üzrə bu gün günortadan sonraya təyin olunan məhkəmə prosesi baş tutmayıb.
Prokuror İŞİD-ə qoşulanlara 83 il cəza istədi
Bakı Ağır Cinayətlər Məhkəməsində hakim Rauf Əliyevin sədrliyi ilə İŞİD-in tərkibində vuruşmaqda təqsirləndirilən Elbrus Əzizov, Namiq Quliyev, Rasim Bədəlov, İlahi Əzizov, Babək Şirinov, Elman Mirzəbəyov və Əfqan Şamxalovun cinayət işi üzrə məhkəmə prosesi davam etdirilib.
Axtarışda olan şəxs yaxalanıb
Azərbaycanda oğurluq və soyğunçuluqda təqsirləndirilərək axtarışa verilən şəxs yaxalanıb. “Olaylar” Daxili İşlər Nazirliyinin saytına istinadən xəbər verir ki, Baş Cinayət Axtarışı İdarəsi, Abşeron RPİ və Ağdam RPŞ əməkdaşlarının həyata keçirdikləri əməliyyat-axtarış tədbirləri nəticəsində Cinayət Məcəlləsinin 177-ci (oğurluq) və 180-ci (soyğunçuluq) maddələri ilə axtarışda olan Ayhan Səfərov tutulub. Aparılmış əməliyyat tədbirləri ilə onun Ağcabədi rayon sakini Elgün Hüseynovla birgə oktyabrın 15-də Elşən Hüseynova məxsus “VAZ-2104” markalı avtomobili qaçırması müəyyən edilib. Həyata keçirilmiş tədbirlərlə E.Hüseynov tutulub. Aparılmış əməliyyat tədbirləri ilə onun oktyabrın 19-da Novxanı qəsəbə sakini Vüsal Abbasova məxsus evdən məişət əşyaları oğurlaması da müəyyən edilib.
"Nardaran işi"ndə şahidlər ifadə verir
Bu gün Bakı Ağır Cinayətlər Məhkəməsində Taleh Bağırov, Fuad Qəhrəmanlı və digərlərinin cinayət işi üzrə məhkəmə prosesi davam etdirilib.
Bakıda FİLM KİMİ OĞURLUQ
1500 manatlıq iti apardılar Bakının Binəqədi rayonunda fərdi yaşayış evindən çoban iti oğurlanıb. Olaylar.az report-a istinadən bildirir ki, hadisə Cəfər Cabbarlı küçəsində qeydə alınıb. Burada Telman Məhərrəmova məxsus fərdi yaşayış evinə oğurluq məqsədi ilə daxil olmaq istəyən şəxslərə həyətyanı sahədə olan it mane olub.
Taleh Bağırov, Fuad Qəhrəmanlı və digərlərinin məhkəməsi davam etdirilib
Bu gün Bakı Ağır Cinayətlər Məhkəməsində Taleh Bağırov, Fuad Qəhrəmanlı və digərlərinin cinayət işi üzrə məhkəmə prosesi davam etdirilib.
Otaq yoldaşını öldürməyə cəhd edən balıqçının məhkəməsi başladı
Bu gün Bakı Ağır Cinayətlər Məhkəməsində qəsdən adam öldürməyə cəhddə təqsirləndirilən Ziyafət Manafovun cinayət işi üzrə məhkəmənin hazırlıq iclası olub.
Akkumlyator oğrusu saxlandı
Cari il sentyabrın 25-nə keçən gecə Şirvan şəhərində Mənzil Təsərrüfatı İdarəsinə məxsus “KamAZ” markalı avtomobildən akkumulyator oğurlanıb. DİN-dən verilən məlumata görə, Şirvan ŞPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən şəhər sakini Xəyal Vahabzadə tutulub.