Kriminal
Hacıqabulda qoyun oğrusu tutulub
Hacıqabul rayonunda oğurluq faktının üstü açılıb. DİN-dən verilən məlumata görə, Hacıqabul RPŞ əməkdaşlarının həyata keçirdikləri əməliyyat-axtarış tədbirləri nəticəsində iyulun 12-də rayon sakini Rəsul Xəlilova məxsus yardımçı təsərrüfatdan 8 baş qoyunu oğurlamaqda şübhəli bilinən Salyan rayon sakini Fərzalı Aydınov tutulub. Araşdırma aparılır.
Akif Çovdarov aclıq aksiyasına başlayıb
Bir müddət əvvəl ləğv edilmiş Milli Təhlükəsizlik Nazirliyinin Energetika və Nəqliyyat Sahələrində Təhlükəsizlik Baş İdarəsinin rəisi həbsdə olan rəisi Akif Çovdarov aclıq aksiyasına başlayıb.
"Lənkəranski" 500 min dollara killer tutub "Lotu Quli"ni öldürmək istəyirdi...
Bu ilin avqustunda İstanbulda güllələnən məşhur azərbaycanlı kriminal avtoritet, "Rövşən Lənkəranski" ləqəbli Rövşən Canıyevin barışmaz düşməni olan "Lotu Quli"ni (Nadir Səlifov) həbsxanada öldürmək üçün killer tutduğu üzə çıxıb.
Arvadını döyərək öldürən şəxs tutulub
Oktyabrın 24-də paytaxtın Yusif Səfərov küçəsindəki mənzildə həyat yoldaşını vəhşicəsinə döyərək öldürən şəxs tutulub. “Olaylar”ın məlumatına görə, aparılan əməliyyat-axtarış tədbirləri nəticəsində 37 yaşlı Dilarə Hüseynovanı qətlə yetirən 1974-cü il təvəllüdlü Əkbərzadə Namiq İsa oğlu yaxalanaraq istintaqa təhvil verilib. O, ilkin olaraq hadisəni qısqanclıq zəminində törətdiyini deyib. Bildirilir ki, əri tərəfindən taxta ilə döyülərək öldürülən Dilarə Hüseynova Bakı Biznes və Koorperasiya Kollecində müəllim işləyirmiş. Faktla bağlı Xətai Rayon Prokurorluğunda başlanmış cinayət işinin istintaqı davam etdirilir.
DİN ana və balanın ölümü barədə məlumat yayıb
Daxili İşlər Nazirliyi Bakıda ana və oğlunun öldüyü yol-nəqliyyat hadisəsi barədə məlumat açıqlayıb. “Olaylar”ın Daxili İşlər Nazirliyinin saytına istinadən verdiyi məlumata görə, oktyabrın 24-də saat 14 radələrində Sabunçu rayonunun Balaxanı qəsəbəsində Gürcüstan vətəndaşı Arif Nuriyevin idarə etdiyi “MAN” və Bakı şəhər sakini Leyla Mərdanovanın idarə etdiyi “Hyundai” markalı avtomobillər toqquşub. Nəticədə L.Mərdanova və sərnişini, oğlu Asəf hadisə yerində ölüblər. Faktla bağlı Sabunçu RPİ tərəfindən araşdırma aparılır.
İcra nümayəndəliyinin binasını qarət edən şəxslər saxlanıb
Oğuz rayonunun Qumlaq kənd icra nümayəndəliyinin inzibati binasından oğurluq törətməkdə və E.Qasımova məxsus mağazadan oğurluğa cəhd göstərməkdə şübhəli bilinən şəxslər tutulub.
Gürcüstandan qanunsuz dərman gətirilməsinin qarşısı alındı
Tovuz Gömrük İdarəsinin “Sınıq Körpü” gömrük postunda Gürcüstandan Azərbaycana gələn Gürcüstan vətəndaşının idarə etdiyi nəqliyyat vasitəsinə gömrük baxışı keçirilib.
Maşallah Əhmədovun məhkəməsində zərərçəkmişlər ifadə verib
Bu gün Bakı Ağır Cinayətlər Məhkəməsində dələduzluqda təqsirləndirilən tanınmış futbolçu Maşallah Əhmədovun cinayət işi üzrə məhkəmənin baxış iclası keçirilib.
Sevgilisi ilə birləşib ərini doğrayan qadın vəkilindən imtina etdi
Bu gün Bakı Ağır Cinayətlər Məhkəməsində həyat yoldaşını öldürməkdə təqsirləndirilən Lalə Mahmudova və sevgilisi Sədi Məmmədovun cinayət işi üzrə məhkəmənin növbəti iclası keçirilib.
"Qızıl Məryəm"in qətlində təqsirləndirilənlərə cəza istənilib
Bu gün Bakı Ağır Cinayətlər Məhkəməsində anasının qətlində təqsirləndirilən Günel Hüseynova, onun xalası oğlu Nicat Eyvazov və Ceyhun Əsgərovun cinayət işi üzrə məhkəmə prosesi davam etdirilib.
Maşın qaçıran dəstə ifşa olunub
Oktyabrın 17-də Abşeron rayonu ərazisindən qaçırılmış Nicat İbrahimova məxsus “VAZ-2107” markalı avtomobil oktyabrın 22-də Xəzər rayonunun ərazisində tapılıb. DİN-dən verilən məlumata görə, Xəzər RPİ və Abşeron RPİ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Binə qəsəbə sakinləri Həsən Hüseynov, Zeynal Hüseynov, Ceyhun Əlihümbətov və Şahbuz rayon sakini Toğrul Nəsirli tutulublar. Onların daha 6 nəfərə məxsus avtomobillərdən pul və akkumulyator oğurlamaları da müəyyən edilib.
Silahı könüllü olaraq polisə təhvil verib
Türkan qəsəbə sakini odlu silahı polisə təhvil verib. DİN-dən verilən məlumata görə, qəsəbə sakini Nazim Mirzəyev nömrəsi silinmiş “Makarov” markalı tapançanı, 1 ədəd patron darağını və 7 ədəd patronu könüllü olaraq Xəzər RPİ 1-ci PB-yə təhvil verib.
Avtoqəzada bir nəfər ölüb, biri yaralanıb
Oktyabrın 23-də saat 20 radələrində Gədəbəy rayonunun Slavyanka kəndində Gəncə şəhər sakini İlham Quliyevin idarə etdiyi “Mitsubishi” və Şəmkir rayon sakini Vüqar Əzizovun idarə etdiyi “VAZ-21214” markalı avtomobillər toqquşublar. DİN-dən verilən məlumata görə, nəticədə V.Əzizovun sərnişini, Şəmkir rayon sakini Əli Əzizov hadisə yerində ölmüş, özü isə xəstəxanaya yerləşdirilib. Faktla bağlı Gədəbəy RPŞ tərəfindən araşdırma aparılır.
Gəncə sakini 2 nəfəri bıçaqlayıb
Gəncə şəhərində bıçaqlama hadisəsi qeydə alınıb. DİN-dən verilən məlumata görə, Kəpəz RPİ əməkdaşlarının həyata keçirdikləri əməliyyat-axtarış tədbirləri nəticəsində oktyabrın 22-də Abdulla Paşayevə və Şakir Kərimova bıçaqla xəsarət yetirməklə sağlamlıqlarına ağır zərər vurmuş Gəncə şəhər sakini Məcid Süleymanov tutulub. Faktla bağlı araşdırma aoparılır.
Bakı sakinini bıçaqlayıb aradan çıxan şəxs yaxalanıb
Bakı şəhərində bıçaqlama hadisəsi baş verib. DİN-dən verilən məlumata görə, RPİ 41-ci PB əməkdaşlarının həyata keçirdikləri əməliyyat-axtarış tədbirləri nəticəsində oktyabrın 14-də Bakı şəhər sakini Tural Cəbiyevə bıçaqla xəsarət yetirməklə sağlamlığına ağır zərər vurmuş Siyəzən rayon sakini Vasif Məmmədov tutulub. Faktla bağlı araşdırma aparılır.