Kriminal
Rüfət Səfərovun apellyasiya şikayətinə baxılacaq vaxt məlum oldu
Rüşvət almaqda təqsirləndirilərək 9 il azadlıqdan məhrum edilən, sabiq müstəntiq Rüfət Səfərovun apellyasiya şikayətinə baxılacaq vaxt məlum olub. Bu barədə Trend-ə açıqlamasında R.Səfərovun vəkili Bəhruz Bayramov deyib.
Zabrat sakinindən heroin götürülüb
Sabunçu RPİ 12-ci PB əməkdaşlarının həyata keçirdikləri əməliyyat-axtarış tədbirləri nəticəsində Zabrat qəsəbə sakini Sərvər Hüseynovdan 0,397 qram heroin götürülüb. DİN-dən verilən məlumata görə, onun yaşadığı evə baxış zamanı isə əlavə olaraq 510 qram heroin aşkar edilərək götürülüb. Ətrafında aparılan araşdırmaıar zamanı onun əvvəllər məhkum olunduğu müəyyən edilib.
Saatlıda qaçırılan maşın Hacıqabul-Horadiz yolunda saxlanıb
Oktyabrın 24-də Saatlı şəhərindən şəhər sakini Vüsal Muradova məxsus “VAZ-2107” markalı avtomobil qaçırılıb. DİN-dən verilən məlumata görə, avtomobil həmin gün Baş Dövlət Yol Polisi İdarəsinin əməkdaşları tərəfindən Hacıqabul-Horadiz yolunun 101-ci km-də saxlanılmış və onu idarə edən Mustafabəyli kənd sakini Davud Şəmmədovla birgə Saatlı RPŞ-yə təhvil verilib.
Anbarı qarət edənin qolları qandallanıb
Paytaxtda oğğurluq faktının üstü açılıb. DİN-dən verilən məlumata görə, Nizami RPİ 23-cü PB əməkdaşlarının həyata keçirdikləri əməliyyat-axtarış tədbirləri nəticəsində oktyabrın 23-də Bakı şəhər sakini Nicat Əliyevə məxsus anbardan tekstil malları oğurlamaqda şübhəli bilinən paytaxt sakini Rafayel Talıbov və Ağdam rayon sakini Ramin Səfərov tutulublar.
Evdən qızıl aparan qardaşlar ələ keçib
Oktyabrın 24-nə keçən gecə Bərdə şəhərində yaşayan Sandıx Ələkbərovanın evindən qızıl əşyalar oğurlanıb. DİN-dən verilən məlumata görə, Bərdə RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən rayon sakini Ülvi İsmayılov və qardaşı Babək saxlanılıb.
Hacıqabulda qoyun oğrusu tutulub
Hacıqabul rayonunda oğurluq faktının üstü açılıb. DİN-dən verilən məlumata görə, Hacıqabul RPŞ əməkdaşlarının həyata keçirdikləri əməliyyat-axtarış tədbirləri nəticəsində iyulun 12-də rayon sakini Rəsul Xəlilova məxsus yardımçı təsərrüfatdan 8 baş qoyunu oğurlamaqda şübhəli bilinən Salyan rayon sakini Fərzalı Aydınov tutulub. Araşdırma aparılır.
Akif Çovdarov aclıq aksiyasına başlayıb
Bir müddət əvvəl ləğv edilmiş Milli Təhlükəsizlik Nazirliyinin Energetika və Nəqliyyat Sahələrində Təhlükəsizlik Baş İdarəsinin rəisi həbsdə olan rəisi Akif Çovdarov aclıq aksiyasına başlayıb.
"Lənkəranski" 500 min dollara killer tutub "Lotu Quli"ni öldürmək istəyirdi...
Bu ilin avqustunda İstanbulda güllələnən məşhur azərbaycanlı kriminal avtoritet, "Rövşən Lənkəranski" ləqəbli Rövşən Canıyevin barışmaz düşməni olan "Lotu Quli"ni (Nadir Səlifov) həbsxanada öldürmək üçün killer tutduğu üzə çıxıb.
Arvadını döyərək öldürən şəxs tutulub
Oktyabrın 24-də paytaxtın Yusif Səfərov küçəsindəki mənzildə həyat yoldaşını vəhşicəsinə döyərək öldürən şəxs tutulub. “Olaylar”ın məlumatına görə, aparılan əməliyyat-axtarış tədbirləri nəticəsində 37 yaşlı Dilarə Hüseynovanı qətlə yetirən 1974-cü il təvəllüdlü Əkbərzadə Namiq İsa oğlu yaxalanaraq istintaqa təhvil verilib. O, ilkin olaraq hadisəni qısqanclıq zəminində törətdiyini deyib. Bildirilir ki, əri tərəfindən taxta ilə döyülərək öldürülən Dilarə Hüseynova Bakı Biznes və Koorperasiya Kollecində müəllim işləyirmiş. Faktla bağlı Xətai Rayon Prokurorluğunda başlanmış cinayət işinin istintaqı davam etdirilir.
DİN ana və balanın ölümü barədə məlumat yayıb
Daxili İşlər Nazirliyi Bakıda ana və oğlunun öldüyü yol-nəqliyyat hadisəsi barədə məlumat açıqlayıb. “Olaylar”ın Daxili İşlər Nazirliyinin saytına istinadən verdiyi məlumata görə, oktyabrın 24-də saat 14 radələrində Sabunçu rayonunun Balaxanı qəsəbəsində Gürcüstan vətəndaşı Arif Nuriyevin idarə etdiyi “MAN” və Bakı şəhər sakini Leyla Mərdanovanın idarə etdiyi “Hyundai” markalı avtomobillər toqquşub. Nəticədə L.Mərdanova və sərnişini, oğlu Asəf hadisə yerində ölüblər. Faktla bağlı Sabunçu RPİ tərəfindən araşdırma aparılır.
İcra nümayəndəliyinin binasını qarət edən şəxslər saxlanıb
Oğuz rayonunun Qumlaq kənd icra nümayəndəliyinin inzibati binasından oğurluq törətməkdə və E.Qasımova məxsus mağazadan oğurluğa cəhd göstərməkdə şübhəli bilinən şəxslər tutulub.
Gürcüstandan qanunsuz dərman gətirilməsinin qarşısı alındı
Tovuz Gömrük İdarəsinin “Sınıq Körpü” gömrük postunda Gürcüstandan Azərbaycana gələn Gürcüstan vətəndaşının idarə etdiyi nəqliyyat vasitəsinə gömrük baxışı keçirilib.
Maşallah Əhmədovun məhkəməsində zərərçəkmişlər ifadə verib
Bu gün Bakı Ağır Cinayətlər Məhkəməsində dələduzluqda təqsirləndirilən tanınmış futbolçu Maşallah Əhmədovun cinayət işi üzrə məhkəmənin baxış iclası keçirilib.
Sevgilisi ilə birləşib ərini doğrayan qadın vəkilindən imtina etdi
Bu gün Bakı Ağır Cinayətlər Məhkəməsində həyat yoldaşını öldürməkdə təqsirləndirilən Lalə Mahmudova və sevgilisi Sədi Məmmədovun cinayət işi üzrə məhkəmənin növbəti iclası keçirilib.
"Qızıl Məryəm"in qətlində təqsirləndirilənlərə cəza istənilib
Bu gün Bakı Ağır Cinayətlər Məhkəməsində anasının qətlində təqsirləndirilən Günel Hüseynova, onun xalası oğlu Nicat Eyvazov və Ceyhun Əsgərovun cinayət işi üzrə məhkəmə prosesi davam etdirilib.