Kriminal
Bakı sakinindən 5 kq narkotik vasitə götürülüb
Bakı şəhər sakinindən 4,585 kq marixuana götürülüb.Daxili İşlər Nazirliyinin mətbuat xidmətindən verilən məlumata görə, Suraxanı Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini, əvvəllər məhkum olunmuş Oğuz Babayevdən 4 kiloqram 585 qram marixuana götürülüb.
Sabirabadda mənşəyi bəlli olmayan 600 kq ət aşkar edilib
Sabirabadda mənşəyi bilinməyən ət aşkarlanıb. Daxili İşlər Nazirliyinin (DİN) mətbuat xidmətindən verilən xəbərə görə, fevralın 9-da DİN Baş İctimai Təhlükəsizlik İdarəsinə bilavasitə tabe olan Karantin Tədbirlərini Təmin edən Əlahiddə Polis Taboru, Sabirabad Rayon Polis Şöbəsi və Kənd Təsərrüfatı Nazirliyinin Dövlət Baytarlıq Nəzarəti Xidməti (DBNX) əməkdaşlarının birgə keçirdikləri tədbirlər nəticəsində rayonun Xəlfəli kənd sakini Əlifxan Şahverdiyevin həyətinə baxış zamanı ümumi çəkisi 600 kiloqram olan, mənşəyi bilinməyən ət aşkar edilərək götürülüb. Aşkarlanmış ətdən götürülən nümunə ekspertizadan keçirilməsi üçün DBNX-nın laboratoriyasına təhvil verilib.
Cəllabadda saxta pul satan tutulub
Cəlilabadda saxta pulların dövriyyəsi ilə məşğul olan şəxs tutulub. Daxili İşlər Nazirliyinin mətbuat xidmətindən verilən məlumata görə, Cəlilabad Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində şəhər sakini Orxan Cavadovdan 74 ədəd 50 manatlıq və 25 ədəd 100 manatlıq saxta əsginas götürülüb.
"Keşmiş MTN elə dəhşətli yer idi ki..."
Bakı Hərbi Məhkəməsində ləğv edilmiş Milli Təhlükəsizlik Nazirliyi İstintaq Baş İdarəsi 2-ci istintaq şöbəsinin rəisi Vüsal Ələkbərovun cinayət işi üzrə məhkəmə prosesi keçirilib. Vüsal Ələkbərov hədə-qorxu ilə tələb etmə, mənimsəmə, sübutları saxtalaşdırma, rüşvət alma, hakimiyyətdən sui-istifadə etmə, hakimiyyət həddini aşmaqda ittiham edilir.
6 hakimin səlahiyyətlərinə xitam verilib
“Ötən il Azərbaycanda 12 hakim intizam məsuliyyətinə cəlb olunub, o cümlədən 2 nəfərin tutduğu vəzifədən azad olunması barədə qərar qəbul edilib”.Bunu Məhkəmə-Hüquq Şurasının sədri, ədliyyə naziri Fikrət Məmmədov Şuranın bütün apellyasiya məhkəmələri sədrlərinin və hakim assosiasiyaları rəhbərlərinin iştirakı ilə keçirilmiş geniş iclasında bildirib.
Bakı sakininə qarşı 50 min dollarlıq DƏLƏDUZLUQ
Bakı sakininə qarşı 50 min ABŞ dolları məbləğində dələduzluq edilib. Bakı şəhər sakini 1968-cü il təvəllüdlü Rasim Hüseynovhüquq-mühafizə orqanlarına müraciət edərək bildirib ki, 2016-ci ilin iyul ayında 1974-cü il təvəllüdlüYelmar Cəfərov onu aldadaraq 50 min ABŞ dolları məbləğində pulunu alıb.
Transformator oğrusu tutulub
Biləsuvar rayonunda oğurluq hadisəsinin qarşısı alınıb. DİN-dən verilən məlumata görə, Nəqliyyatda Baş Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində fevralın 7-də Biləcəri dəmiryolu stansiyası ərazisində 2 ədəd transformator oğurlamaqda şübhəli bilinən Göygöl rayon sakini R.Səfərov saxlanılıb. Araşdırma aparılır.
Qadını vurub qaçan sürücü saxlanıb
Baş Dövlət Yol Polisi İdarəsi, Kriminalistik Tədqiqatlar İdarəsi, Bakı şəhər BPİ və Sabunçu RPİ əməkdaşlarının həyata keçirdikləri əməliyyat-axtarış tədbirləri nəticəsində fevralın 4-də Sabunçu rayonu ərazisində baş vermiş yol-nəqliyyat hadisəsi nəticəsində ölənin Bakı şəhər sakini 30 yaşlı Günel Babayeva olması müəyyən edilib. Bu barədə Daxili İşlər Nazirliyindən verilən məlumata görə, hadisəni törətməkdə şübhəli bilinən "Mercedes" markalı avtomobilin sürücüsü - Şəmkir rayon sakini Emin Həsənov tutulub.
Paytaxtda 10 dilənçi saxlanıb
Səbail RPİ əməkdaşları tərəfindən rayon ərazisində avarılıq və dilənçiliklə məşğul olan 10 nəfər saxlanıb. Daxili İşlər Nazirliyindən verilən məlumata görə,saxlanılan şəxslər barəsində müvafiq tədbirlər görülüb.
Oğrunun digər cinayətlərinin üstü açılıb
Oğurluq etdiyinə görə yanvarın 29-da tutulan Əhliman Bağırovun Ətrafında Xəzər RPİ 2-ci PB əməkdaşları tərəfindən aparılan əməliyyat tədbirləri ilə onun daş sexlərindən birindən beton qarışdıran dəzgahın mühərrikini, 3 evdən isə pul, qızıl və məişət əşyaları oğurlaması da müəyyən edilib.
İrandan narkotik keçirmək cəhdinni qarşısı alınıb
Dövlət Sərhəd Xidməti tərəfindən dövlət sərhədində narkotik vasitələrin qeyri-qanuni dövriyyəsi, qaçaqmalçılıq və qeyri-leqal miqrasiyanın qarşısının alınması istiqamətində tədbirlər uğurla davam etdirilir.
Gömrük nəzarətindən gizlədilən 40 kiloqram barıt aşkar edilib
Tovuz Gömrük İdarəsinin "Sınıq Körpü" Gömrük Postunda Gürcüstan Respublikasından Azərbaycan Respublikasına minik maşını ilə gələn Azərbaycan Respublikası vətəndaşı ilə gömrük bəyannaməsinin bəndlərinə uyğun olaraq şifahi sorğu-sual aparılıb. Dövlət Gömrük Komitəsindən “Olaylar”a verilən məlumata görə, ona idarə etdiyi avtomobildə gizlədilən və gömrük nəzarətinə mütləq bəyan olunası hər hansı predmetin olub-olmaması barədə sual verilib.
45 yaşlı qadının kirayə yaşadığı evdə meyit tapılıb
Fevralın 8-də Göyçay rayon sakini 45 yaşlı Zülfiyyə Rəhimovanın üzərində zorakılıq əlamətləri olan meyiti Suraxanı rayonunun Hövsan qəsəbəsində kirayədə yaşadığı evdə tapılıb. “Olaylar” Daxili İşlər Nazirliyinə istinadən xəbər verir ki, Suraxanı RPİ 30-cu PB əməkdaşlarının həyata keçirdikləri əməliyyat-axtarış tədbirləri nəticəsində hadisənin Sabirabad rayon sakini 25 yaşlı Paşa Cəbrayılov tərəfindən törədilməsi müəyyən edilib. Sabirabad RPŞ əməkdaşları tərəfindən görülən profilaktiki tədbir nəticəsində P.Cəbrayılov könüllü RPŞ-yə gələrək hadisəni törətməsini etiraf edib. Araşdırma aparılır.
Qonağını balta ilə qətlə yetirdi
Sumqayıt şəhərində qətl hadisəsi baş verib. Sumqayıt şəhər prokurorluğundan verilən məlumata görə, hadisə şəhərin Corat qəsəbəsində, 502 saylı evdə baş verib. Qəsəbə sakini, əvvəllər məhkum olunmuş 1974-cü il təvəllüdlü Quliyev Rüfət Salman oğlu evinə qonaq gəlmiş 1983-cü il təvəllüdlü Hətəmov Ramiz Yunis oğlu ilə mübahisə edib. Mübahisə nəticəsində R.Quliyev R.Hətəmovu balta ilə qətlə yetirib. Faktla bağlı şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Jurnalistin evi qarət edildi
Bakının Binəqədi rayonu, Biləcəri qəsəbəsində tanınmış jurnalist AzNews.az saytının əməkdaşı Bahar Rüstəmlinin evi qarət olunub. Məlumata görə, hadisə Binəqədi rayonun Biləcəri qəsəbəsindəki yeni yaşayış massivindəki həyət evində baş verib. Fevralın 8-də saat 15:00 radələrində evə girən nəmalum şəxslər jurnalistə məxsus təxminən 1500-2000 manat dəyərində qızıl-zinət əşyalarını oğurlayıb.Faktla bağlı Daxili İşlər Nazirliyinin “102” xidmətinə məlumat verilib. Araşdırma aparılır.