Qubada FACİƏVİ QƏZA

Avtoqəzada sürücü dünyasını dəyişib

Quba rayonunun Günəşli kəndində ölümlə nəticələnən  yol-nəqliyyat hadisəsi baş verib. DİN-dən "Olaylar"a verilən məlumata görə, avqustun 11-də saat 21 radələrində Quba rayonunun Günəşli kəndi ərazisində 1-ci Nügədi kənd sakini Əmrulla Əfəndiyevin idarə etdiyi "VAZ-21214" markalı və İmişli rayon sakini Q.Səmədovun idarə etdiyi "Shacman" markalı avtomobillər toqquşmuşdur. Nəticədə Ə.Əfəndiyev aldığı xəsarətlərlə xəstəxanaya yerləşdirilmiş və orada ölmüşdür. Baş İstintaq və Təhqiqat İdarəsi tərəfindən araşdırma aparılır.