Motosiklet minik avtomobili ilə toqquşdu

Yasamal rayonu M.Xiyabani küçəsində yol nəqliyyat hadisəsi baş verib. Bakı Nəqliyyat Agentliyindən "OLAYLAR"-a bildirilib ki, hərəkətdə olan motosiklet minik avtomobili ilə toqquşub. Nəticədə motosiklet 17 nömrəli müntəzəm marşrut xətti ilə hərəkət edən avtobusun qarşısına düşüb. Motosikletin sürücüsü xəsarət alıb avtobusda olan sərnişlərdən xəsarət alan olmayıb.
Hazırda hadisə ilə bağlı müvafiq qurumlar eyni zamanda BNA tərəfindən araşdırma aparılır.