İcra məmuru rüşvət maddəsi ilə həbs edildi

Cinayət işinə Şabran rayon Məhkəməsində baxılacaq

Şabran rayon İcra və Probasiya şöbəsinin İcra məmuru Məstanov Natiq Müzəffər oğluna cinayət işi açılıb.

İcra məmuruna Cinayət Məcəlləsinin 312.1-ci (Rüşvət vermə) maddəsi ilə ittiham verilib. Onun barəsində toplanan cinayət işinin materialları baxılması üçün Şabran rayon Məhkəməsinə göndərilib.

Cinayət işi hakim Çingiz İsgəndərovun icraatında araşdırılacaq. Məhkəmənin hazırlıq iclası martın 4-ə təyin edilib.

Qeyd edək ki, Məstanov Natiq Müzəffər oğlu 2010-cu ildən Ədliyyə orqanlarında çalışır.

aznews