Zavoddan pambıq oğurlayan dəstə ələ keçib

Bərdə rayonunda oğurluqla məşğul olan dəstə zərərsizləşdirilib. DİN-dən "Olaylar"a verilən məlumata görə, Bərdə RPŞ əməkdaşlarının keçirdikləri əməliyyat-axtarış tədbirləri nəticəsində fevralın 11-də rayon ərazisindəki pambıq zavoduna məxsus anbardan 6250 kiloqram pambıq çiyidi oğurlamaqda şübhəli bilinən Bərdə rayon sakinləri E.Hüseynov, R.Ələsgərov, İ.Bayramov, E.İsazadə, E.Atakişiyev və qardaşı saxlanılıblar. Araşdırma aparılır.