Dünya Halal Zirvəsi və 6-cı İslam Əməkdaşlıq Təşkilatı Halal Sərgisi” təşkil olunacaq

29 noyabr - 2 dekabr tarixlərində Türkiyənin ev sahibliyi ilə "Dünya Halal Zirvəsi və 6-cı İslam Əməkdaşlıq Təşkilatı Halal Sərgisi" təşkil olunacaq.  Bu barədə məlumat "OLAYLAR"-a Qida Təhlükəsizliyi Agentliyindən daxil olub. Bildirilib ki, sərgidə maliyyə, turizm, kosmetika, tibb, kimya, qablaşdırma, islam həyat tərzi və mühafizəkar moda, cihazqayırma və s. kimi sahələrdə 250-dən çox beynəlxalq firmanın iştirakı nəzərdə tutulub.

Təşkilatçılar tərəfindən Azərbaycan Respublikasında qida sahəsində fəaliyyət göstərən sahibkarlıq subyektlərinin də sərgidə iştirak etməsi üçün müraciət edilib.