Azərbaycan proqram təminatının lisenziya nəzarətini tətbiq edəcək

Proqram təminatı sahəsində piratçılıqla mübarizə yaxın illər ərzində sahibkarları əhatə edə bilər. Trend-in məlumatına görə, bunu "AtaTexnologiya" MMC-nin layihələndirmə şöbəsinin direktoru Cahangir Qənizadə deyib. O bildirib: "Güman edirəm ki, artıq gələn il Azərbaycanda piratçılıqla mübarizə sərtləşdiriləcək. Söhbət ondan gedir ki, mübarizə hüquq-mühafizə orqanları səviyyəsində aparılacaq. Həmin orqanların nümayəndələri şirkətlərdə istifadə edilən softun lisenziyasının olub-olmamasını qanuni əsasda fiziki olaraq yoxlayacaq. Pirat softun istifadə edildiyi aşkar olunarsa, cərimələr tətbiq ediləcək".