London birjasında neftin qiyməti aşağı düşüb.  Anspress-in məlumatına görə, bu gün Londonun İCE ("İnterContinental Exchange Futures") birjasında "Brent" markalı neftin bir barrelinin qiyməti təxminən 7 faiz ucuzlaşaraq 49 dollar 22 sent təşkil edib. 

London birjasında "Brent" neftinin qiyməti


Texas neftinin qiyməti isə 2,80 dollar ucuzlaşıb. Beləliklə, Nyu-Yorkun NYMEX ("New York Mercantile Exchange") birjasında "Light" markalı neftin bir barrelinin qiyməti 44,89 dollar təşkil edib. 


London birjasında "Light" neftinin qiyməti


Ən iri neft treyderlərindən biri olan "Vitol Group"un baş icraçı direktoru Yan Treylor"Bloomberg"ə müsahibəsində neftin qiymətinin 40-60 dollar arası olacağını bildirib. "Bu və gələn il neftin qiyməti 40-60 dollar arasında ilişəcək. Mən bu qiymətin qalxması üçün heç bir xüsusi səbəb görmürəm. Əksinə, qiymət aşağı düşə bilər", - deyə Teylor bildirib.