SOCAR Xəzərdə yeni neft quyusu qazır

SOCAR (Azərbaycan Dövlət Neft Şirkəti) Xəzərin Azərbaycan sektorunda "Neft Daşları" yatağında yeni quyunun qazma işlərini həyata keçirir. Trend xəbər verir ki, bu barədə SOCAR-ın saytında yayılan məlumatda deyilir. Məlumatda bildirilir ki,"Neft Daşları" yatağındakı 418A saylı estakadayanı meydançadan 2613 nömrəli quyuda qazma işləri uğurla davam etdirilir. "Azneft" İstehsalat Birliyi "Neft Daşları" Neft və Qazçıxarma İdarəsinin sifarişi ilə Kompleks Qazma İşləri Tresti tərəfindən Qala Lay Dəstəsinə qazılan quyunun layihə dərinliyi 1370 metrdir. Geoloqların hesablamalarına əsasən, quyudan sutkada 10 ton neft hasil olunacağı nəzərdə tutulur.