“Günəşli” yatağındakı 117 nömrəli quyu istismara verilib

Bu günlərdə "Günəşli" yatağındakı 3 nömrəli dərin dəniz özülündən 117 nömrəli quyu əsaslı təmirdən sonra istismara verilib. "OLAYLAR" -ın xəbərinə görə, quyu məhsuldar qatın X horizontundan qazlift üsulu ilə məhsul verib, 2710-2701 metr intervaldan gündəlik 50 ton neft hasilatı ilə istismar fonduna daxil edilib. Quyuda istismar işləri "Azneft" İstehsalat Birliyinin "28 May" NQÇİ tərəfindən həyata keçirilir.