İdman
İslamiadada boks yığmamızın ilk medalının əyarı bilindi
Bakı-2017 IV İslam Həmrəyliyi Oyunları çərçivəsində keçirilən boks yarışlarında yarımfinal mərhələsinə start verilib. Azərbaycan Boks Federasiyasından verilən məlumata görə, bu mərhələdə Azərbaycan millisinin heyətində ilk olaraq rinqə Tayfur Əliyev çıxıb.
Bakı-2017: Atıcılıq komandamız hamıdan dəqiq oldu
Bakı-2017 IV İslam Həmrəyliyi Oyunlarında 10 metr məsafədən pnevmatik tapança ilə atəş üzrə qarışıq komanda yarışında Azərbaycan qızıl medal qazanıb. Ruslan Lunyov və Nigar Nəsirovadan ibarət komandamız finalda Oman yığmasına qalib gəlib. Üçüncü yeri İranın birinci komandası tutub. Rəsul Məmmədov və Zərifə Qasımovadan ibarət ikinci komandamız isə 7-ci yerlə kifayətlənib.
Nazir İslam Oyunlarının hesabatını açıqladı
IV İslam Oyunlarının açılış mərasimindən sonra keçən 5 gün ərzində Azərbaycan idmançıları 41-i qızıl olmaqla, ümumilkdə 82 medal qazanıblar. Bunu bu gün IV İslam Həmrəyliyi Oyunlarının hesabat konfransında gənclər və idman naziri Azad Rəhimov deyib.
Əl Əttiyah: “Növbəti dəfə daha yaxşı nəticə göstərəcəyimə ümid edirəm”
"Mən yarışda hədəfə çox pis atəş açdım. Lakin finaldan çox da geridə deyildim. Əlbəttə ki, məyus oldum”. Bunu “Bakı-2017” IV İslam Həmrəyliyi Oyunlarının kişilər arasında stend atıcılığı yarışlarında 11-ci yerə çıxan Olimpiya oyunlarının bürünc medalçısı və Dakar Ralli yarışlarının iki dəfə qalibi olmuş qətərli snayper Nasser Əl Əttiyah deyib.
İslamiada qaliblərinə pul mükafatları medalların sayına uyğun ödəniləcək
"Bakı 2017" IV İslam Həmrəyliyi Oyunlarında Azərbaycan idmançılarına pul mükafatlar qazandıqları medal sayına uyğun ödəniləcək. Bu barədə gənclər və idman naziri Azad Rəhimov keçirdiyi mətbuat konfransında açıqlama verib.
Olimpiya çempionumuz da İslamiadaya qələbə ilə başladı
Bakı-2017 IV İslam Həmrəyliyi Oyunlarında taekvando yarışları davam edir. +87 kq çəki dərəcəsində mübarizə aparan Rio-2016 Olimpiya Oyunlarının qızıl mükafatçısı, dünya çempionu Radik İsayev 1/4 finalda Pakistan idmançısı Şah Adillə döyüşüb.
Taekvandoçumuz İslamiadada yarımfinala yüksəldi
Bakıda keçirilən IV İslam Həmrəyliyi Oyunlarında taekvando yarışları davam edir. 68 kq çəki dərəcəsində mübarizə aparan idmançımız Ayxan Tağızadə Əfqanıstan təmsilçisi Ruhullah Nikpa ilə qarşılaşıb. Avropa Oyunlarının qalibi A.Tağızadə rəqibindən üstün döyüş nümayiş etdirib - 28:14.
Ağır atletimiz İslamiadanı bürünc medalla başa vurdu
Azərbaycanın ağır atleti Bakı-2017 IV İslam Həmrəyliyi Oyunlarını bürünc medalla başa vurub. Bu gün çəkisi 94 kq olan kişilər körpücük üzərinə çıxıblar. Yığmamızın üzvlərindən Nailxan Nəbiyev və Rövşən Fətullayev medal mübarizəsinə qoşulublar.
Üzgüçümüz İslamiadada 3-cü qızıl medalını qazandı
Bakı-2017 IV İslam Həmrəyliyi Oyunlarında Azərbaycan üzgüçüsü 3-cü qızıl medalını qazanıb. 200 m məsafəyə batterflay üsulu ilə üzmə yarışında təmsilçimiz Maksim Şemberyov bütün rəqiblərini geridə qoyub.
"Azərbaycan IV İslam Həmrəyliyi Oyunlarına məsuliyyətlə hazırlaşıb"
"IV İslam Həmrəyliyi Oyunlarının açılışı çox yüksək səviyyədə təşkil edilmişdi. Açılışın bu səviyyədə keçirilməsi mənim üçün gözlənilməz idi. İdmançıların təntənəli yürüşünü həyəcan və sevinclə izlədim. Deyə bilərəm ki, hər şey Olimpiya Oyunlarına oxşayırdı. Tədbirin təşkilati məsələləri də çox xoşuma gəldi. Bəlkə də Azərbaycandakı kimi İslam Həmrəyliyi Oyunlarının yüksək səviyyədə açılışı təşkil olunmayıb".
Dortmund "Borussiya"sının yeni baş məşqçisi müəyyənləşdi
Dortmund "Borussiya"sı mövsümün sonunda baş məşqçi Tomas Tuhellə yollarını ayıracaq. Buna səbəb çalışdırıcının həm prezident, həm də oyunçularla problem yaşamasıdır. Dortmund təmsilçisi artıq yeni baş məşqçisini də tapıb. Bundesliqa klubu "Nitsa"nın çalışdırıcısı Lusyen Favre ilə anlaşıb. İlkin razılığa görə, tərəflər arasında 1+1 illik müqavilə imzalanacaq.
“Real”ın futbolçusu “Mançester Yunayted”lə anlaşdı
"Real"ın yarımmüdafiəçisi Hames Rodrigesin yeni komandasının adına aydınlıq gəlib. Kolumbiyalı futbolçu karyerasını İngiltərədə davam etdirəcək.
"Çelsi" rekordu təkrarladı
Premyer Liqada çempionluğunu rəsmiləşdirən "Çelsi" 34-cü turdan təxirə salınmış oyunda "Vatford"u 4:3 hesabıyla məğlub edib. Çempionluq gətirən əsas heyətə 9 dəyişiklik edən Antonio Konte Con Terriyə də son dəfə "Stamford Bridge"də meydana çıxmaq imkanı yaradıb.
Azərbaycanlı gimnastlar: İslam Həmrəyliyi Oyunlarında əldə olunan uğur yeni qələbələrə həvəsləndirir
Bakı - 2017 IV İslam Həmrəyliyi Oyunlarında əldə olunan uğur yeni qələbələrə həvəsləndirir. Bunu jurnalistlərə azərbaycanlı gimnast Marina Nekrasova deyib. O xatırladıb ki, Avropa çempionatında zədə ilə əlaqədar iştirak edə bilməmişdi: "Buna görə çox təəssüflənmişdim, həvəsdən düşmüşdüm. Hətta bu Oyunlarda da iştirak edib-etməyəcəyimi bilmirdim. Amma məşqçinin dəstəyi mənə kömək oldu. Qazandığım medallara görə çox şadam".