İdman
İslamiada: Bu gün 12 idman növü üzrə mübarizə gedəcək
“Bakı 2017" IV İslam Həmrəyliyi Oyunlarının VI yarış günündə 12 idman növü üzrə mübarizə gedəcək.
Jalə Piriyeva: "İslam Həmrəyliyi Oyunlarının tarixinə düşmək şansımız var"
"Bədii gimnastika İslam Həmrəyliyi Oyunlarının proqramına ilk dəfə salınıb, ona görə də yarışlarda medal qazanan gimnastlar tarixə düşəcək". Bunu azərbaycanlı gimnast Jalə Piriyeva deyib.
Bakı-2017: İran Səudiyyə Ərəbistanına qalib gəldi
Bakı-2017 IV İslam Həmrəyliyi Oyunlarında voleybol yarışı davam edir. B qrupunda İranın kişi voleybolçuları Səudiyyə Ərəbistanından olan rəqibləri ilə qarşılaşıblar. Oyun İran yığmasının qələbəsi ilə başa çatıb - 3:0 (25:18, 25:23, 25:18)
Marina Durunda: İslam Oyunlarında ilk çıxış çox həyəcanlı idi
Hesab edirəm ki, ümumilikdə yaxşı nəticə göstərdim. Bunu azərbaycanlı gimnast Marina Durunda deyib. Yarışların ilk günündə M.Durunda halqa və topla hərəkətlərdə finala çıxıb.O deyib ki, çıxışlar zamanı çox həyəcanlı idim: "Əhvalım normaldır, amma başa düşürəm ki, daha yaxşı çıxış edə bilərdim. Mən zədədən sonra bu gün ilk dəfə xalça üzərinə çıxmışdım”.
Türkiyəli nazir: “V İslam Həmrəylik Oyunları İstanbulda təşkil olunacaq”
“V İslam Həmrəylik Oyunları 2021-ci ildə İstanbulda təşkil olunacaq”. Bunu Bakıda səfərdə olan Türkiyənin gənclər naziri Akif Çağatay Kılıc jurnalistlərə açıqlamasında bildirib. Nazir deyib ki, bu baxımdan da İslam Həmrəyliyi Oyunları Türkiyə üçün böyük əhəmiyyət kəsb edir: “Bu oyunların bizim üçün böyük əhəmiyyəti var. Bu çərçivədə indi Bakıda İƏT Gənclər Nazirlərinin toplantısı keçirilib. Toplantı zamanı növbəti görüşün keçiriləcəyi yeri müəyyən etdik. Həmçinin, İslam Əməkdaşlıq Təşkilatı ölkələrinin 3 sentyabr Gənclər Günü kimi qeyd edilməsini təsis etdik. İnşallah, gələcəkdə bu əməkdaşlıq daha intensiv və geniş aparılacaq”.
Məhəmmədrəsul Məcidov: "Növbəti döyüşdə də qalib gələcəyəm"
"Növbəti rəqibimin kim olacağını hələ ki, bilmirəm, amma inanıram ki, növbəti döyüşdə də qalib gələcəyəm". Bunu IV İslam Həmrəyliyi Oyunları çərçivəsində boks yarışlarına Azərbaycanı təmsil edən Məhəmmədrəsul Məcidov deyib.
Bakı-2017: Azərbaycan ilk medalını təmin etdi
Bakı-2017 IV İslam Həmrəyliyi Oyunlarında kişilər arasında boks yarışı davam edir. 1/4 final mərhələsində təmsilçimiz Məhəmmədrəsul Məcidov Qazaxıstan idmançısı Nurlan Saparbayla qarşılaşıb.